மத்திய அரசின் விஸ்வகர்மா திட்டத்தின் நோக்கம் !! ஒரு சமூக பார்வை..

விஸ்வகர்மா யோஜனா திட்டத்தின் நோக்கம் என்னவென்றால், குரு - சிஷ்ய பரம்பரை முறையை வளர்த்தெடுப்பதும், கருவிகள் மூலமும் கைகளின் மூலமும் பொருட்களைச் செய்யும் கைவினைக் கலைஞர்கள் குடும்பம் சார்ந்து இயங்குவதையும் ஊக்கப்படுத்து மட்டும் நோக்கமல்ல, பார்பன்னரல்லாத பிற ஜாதி இந்துக்கள் கல்லூரி படிப்பை கற்க கூடாது என்பதே!! 
18 வயதானவர்கள் மேற்கல்வி கற்க்காமல் தந்தை செய்யும் தொழிலை செய்தால் அவர்களுக்கு வங்கி கடனும் மானியம் கிடைக்கும் என்று ஆசை வார்த்த கூறி மக்களை மேற்கல்வி கற்க விடாமல் ஏமாற்றப் பார்க்கிறது பார்ப்பனியம்....
ஆனால் பார்பன்ன ஆண்களும் பெண்களும் தடையில்லாமல் எளிதாக உயர் கல்வி கற்க்கிறார்கள் .. அரசு வேலைகளை எளிதாக பெறுகிறார்கள்...

கல்வியின் அவசியம் அதன் பலன் பற்றி பல நூற்றாண்டுகளாக தெரிந்து கொண்டு செல்வ வளத்தை அனுபவித்து வரும் அவர்கள் இந்த முறையில் குலத் தொழிலான கோயிலில் மணியடிப்பதை மட்டும் செய்வார்களா ???

எல்லா உயர் பதவிகளை எளிதாக பெற்று ஆட்சியாளர்களாய் அரசு அலுவலர்களாய் ராணுவ உயர் அதிகாரிகளாய் நீதிபதிகளாய், மருத்துவர்களாய், தொழிலதிபர்களாய், கிரிகெட் உட்பட சகல துறைகளிலும் உயர் பதவியில் அமர்ந்துக் கொண்டு மற்றவர்களை குலத் தொழில் செய்ய வேண்டும் என பணிப்பது எந்த மாதிரியான அயோக்கியத் தனம் தெரியுமா..???

பரம்பரையாக ஒரு தொழிலை ஒரு வணிகத்தை செய்பவர்களின் வாரிசுகள் அதே தொழிலைத் தொடர வங்கிகள் மூலமாக கடன் உதவி,மானியம்‌ என பல்வேறு உதவிகளை மத்திய அரசு செய்யும்.
மத்திய அரசின் சிறு,குறு மற்றும் நடுத்தர தொழில் அமைப்பான MSME மூலமாக இதைச் செயல்படுத்தப்படும் இந்த விஸ்வகர்மா திட்டத்தை மாநில அரசுகளும் தங்கள் மாநிலங்களில் செயல்படுத்த வேண்டும் என மத்திய அரசு கேட்டுக் கொண்டது.

மத்திய அரசின் வேண்டுகோளை பல மாநில அரசுகள் அப்படியே ஏற்றுக் கொள்ள, தமிழ்நாடு அரசு மட்டும் அறிமுக நிலையிலேயே இந்த திட்டத்தில் மூன்று மாறுதல்களை செய்ய வேண்டும் என மத்திய அரசிடம் கேட்டது‌.அதுவும் இந்த வருடத்தின் துவக்கமான ஜனவரி மாதத்திலேயே கேட்டுக் கொண்டது.
ஆனால் தமிழ்நாடு அரசு கேட்டுக் கொண்ட அந்த மூன்று மாறுதல்களை மத்திய அரசு கண்டு கொள்ளவில்லை.
எனவே மத்திய அரசின் விஸ்வகர்மா திட்டத்தை தமிழ்நாட்டில் செயலாபடுத்த முடியாது என தமிழ்நாடு அரசு திட்டவட்டமாக அறிவித்து இருக்கிறது.

அப்படி என்ன அந்த மூன்று மாறுதல்கள்?

1.மத்திய அரசின் அந்த விஸ்வகர்மா திட்டத்தில் 18 வகையான தொழில்கள்‌ குடும்ப தொழில்கள் என கண்டறியப்பட்டு அதை பாரம்பரியமாக செய்து வர வேண்டும் என்ற விதி இருந்தது.அதாவது குலத்தொழில் என்றது மத்திய அரசு. தமிழ்நாடு அரசு அதைத் திருத்தி பட்டியல் இடப்பட்ட அந்த 18 வகை தொழில்களை யார் வேண்டுமானாலும்,எந்த ஒரு தனி நபர் வேண்டுமானாலும் செய்யலாம்.அதற்கு சாதி,மதம் என எதுவும் தகுதியாக இருக்கக் கூடாது.ஆர்வமும், திறமையும் தான் தகுதிகளாக இருக்க வேண்டும் என்றது.

2. மத்திய அரசு வயது வரம்பு 30 க்குள் என்றது.
தமிழ்நாடு அரசு வயது வரம்பை 35 வரைக்கும் நீடித்துக் கேட்டது‌.அப்போது தான் அனுபவம் இருக்கும் என்றது.

3. பயனாளர்களை கண்டறியும் அதிகாரத்தைப் அந்தந்த கிராம பஞ்சாயத்து தலைவர்களுக்கு மத்திய அரசு தந்தது.
அப்படி செய்தால் அதில் சாதி குறுக்கீடு இருக்க வாய்ப்புகள் வந்தாலும் வரும்.எனவே பயனாளர்களை கண்டறியும் அதிகாரத்தை கிராம நிர்வாக அலுவலர்களிடம் தர வேண்டும் என தமிழ்நாடு அரசு சொன்னது.


அரசர்கள் ஆண்ட காலம் முதல் குமரி முனையில் அய்யன் திருவள்ளுவருக்கு சிலை வைத்த கலைஞர் காலம் வரை ஒரு கம்மாளர் இன மக்கள் தேவைப்பட்டார்கள். புரியும் படி சொன்னால் ஐந்தொழில் செய்வோர் விஸ்வகர்மா என்கிற skilled தேவை பட்டார்கள்..
நாளடைவில் உலகமயமாக்கல்.. அறிவியல் அதீத வளர்ச்சி.. போன்ற காரணிகளால் இன்று குறிப்பிட்ட அவர்கள் தேவை படுவதில்லை...
அதை உணர்ந்து அவர்களும் கல்வி ஒன்றே கரை சேர்க்கும் மா மருந்தென்று பயணிக்க தொடங்கி விட்டனர்..
தமிழக அரசு மத்திய government's 'விஸ்வகர்மா யோஜனா' திட்டத்தை தற்போதைய வடிவில் செயல்படுத்தாமல், அதில் சில மாற்றங்களை பரிந்துரைத்துள்ளது. இவற்றில், குடும்ப அடிப்படையிலான தொழிலாளர்களைத் தேவையின்றி நீக்குவது மற்றும் பயனாளிகளின் குறைந்தபட்ச வயதினை 35 ஆக உயர்த்துவது அடங்கும். தற்போது, தமிழகம் பாரம்பரிய கைவினை கலைஞர்களுக்கு, ஜாதி மற்றும் குடும்ப அடிப்படையிலான வேறுபாடுகளை இல்லாமல், நிதி உதவி, பயிற்சி மற்றும் வளர்ச்சிக்கு தேவையான அனைத்து ஆதரவு அளிக்கும் ஒரு விரிவான திட்டத்தை செயல்படுத்த தீர்மானித்துள்ளது.
விஸ்வகர்மா யோஜனா என்கிற பெயரில் ஓட்டுக்காக காய் நகர்த்தும் அரசியல்வாதிகள் இதை உணர்வது நல்லது!

மத்திய அரசுக்கு தமிழ்நாடு அரசு கேட்ட சமூகநீதி புரியவில்லை....சரி....அது புரியும் வரையில் விஸ்வகர்மா திட்டத்தை தந்தைப் பெரியார் மண்ணான தமிழ்நாட்டில் செயல்படுத்த முடியாது என தமிழ்நாடு அரசு திட்டவட்டமாக அறிவித்து விட்டது.

ஆக்கம்  மற்றும் தொகுப்பு : மு.அஜ்மல் கான்.

தமிழ்நாட்டிற்கு சாம்சங் போன்ற நிறுவனங்கள் தேவை தொழிலாளிகள் பணிக்கு திரும்ப வேண்டும் !!

ஒரு குழப்பத்தைத் தீர்க்க நிறுவனங்கள் பெரும்பாலும் கையாளும் உத்தி - பிரித்தாள்வது. அதற்காகக் கோடிக் கணக்கில் கூடச் செலவு செய்யத் தயங்கமாட்டார்கள். சங்கம் அமைப்பதை மட்டும் ஏற்கமுடியாது என்பது நிறுவனங்களின் முக்கியக் கொள்கை. இன்று போராட்டம் நடத்துபவர்கள் அதைத் தருகிறேன், இதைத் தருகிறேன் என்று சொன்னால் கலைந்துவிடுவார்கள். அவை உண்மையில் கொடுக்கப்படுகின்றனவா, நாளையே வேறு தேவை என்றால் என்ன செய்வது என்பதெல்லாம் அவர்கட்குத் தேவையில்லை. அதுதான் நிறுவனங்களுக்குத் தேவை.'எங்களுக்கு வேண்டியதையெல்லாம் செய்து தருவதாக சாம்சங் நிறுவனம் சொல்லிவிட்டது. இதற்கு மேல் எதற்குத் தொழிலாளர் சங்கம்' என்று சாம்சங் நிறுவன ஊழியர்கள் பேசுவதைத் தொலைக்காட்சியில் செய்தியாக ஒளிபரப்புகின்றனர். தொழிற்சங்கத்தை அனுமதிக்க மாட்டோம் என்கிறது சாம்சங் நிறுவனம்.
பன்னாட்டு நிறுவனங்கள் தொழிலாளர்களின் உரிமையையும், அரசியல் சட்டத்தையும் ஒரு சேர அவமதிப்பதற்கு எதிராக தமிழக அரசுக்கும், காவல் துறைக்கும் வரவேண்டிய கோபம், அந்த சட்ட மீறலுக்கு எதிராக போராடுகிற கம்யூனிஸ்டுகளின் மீது ஏன் வருகிறது?
இடதுசாரி தலைவர்களை கைது செய்துள்ள தமிழக காவல்துறையின் செயல் கண்டனத்திற்குரியது.
பன்னாட்டு நிறுவனங்களின் மீதான விசுவாசத்தை வெல்லும் வலிமை உழைக்கும் மக்களிடம் என்றும் உண்டு.
தென்கொரியாவின் சாம்சங் நிறுவனம் அது தொடங்கப்பட்ட எண்பது ஆண்டுகளாக No Union Policy என்பதைத் தனது கொள்கையாக வைத்திருந்த நிறுவனம். 2020 ல் தான் முதன் முதலாக சாம்சங் தொழிலாளர்கள் யூனியன் வைத்துக்கொள்ளும் உரிமையைத் தென்கொரியாவில் வென்றெடுக்கிறார்கள்.
நாட்டின் GDP யில் பத்தில் ஒரு பங்கு அளவுக்கு வலுவான பொருளியல் அடித்தளத்தைக் கொண்ட நிறுவனம் சாம்சங். அதனால் தென்கொரிய அரசாங்கத்தில் அவர்களது ஆதிக்கம் அதிகம். சாம்சங் அதிபர் மீது வரி ஏய்ப்பு உள்ளிட்ட கடுமையான புகார்கள் உண்டு. அதற்காக தண்டிக்கப்பட்டு பிறகு அரசு ஆதரவுடன் அங்கு விடுவிக்கப்பட்டிருக்கிறார். தென்கொரியா ஒரு முதலாளித்துவ நாடு என்பது அனைவருக்கும் தெரியும். குறிப்பாக சாம்சங் நிறுவனம் எலெக்ட்ரானிக்ஸ் துறையில் உலக அளவில் பிரசித்தி பெற்றவர்கள். அது மட்டுமல்ல கட்டுமானத்துறையிலும் அவர்கள் வலுவானவர்கள். தென்கொரிய பொருளாதாரத்துக்கு அவர்கள் ஆதாரமானவர்கள். இந்தப் பின்னணியில்தான் யூனியனுக்கு எதிரான அவர்களது நிலைப்பாட்டைப் புரிந்துகொள்ளவேண்டும்.
ஆனால் இன்றைய சூழலில் அவர்களது ஏகபோக சுரண்டலுக்கு உலக அளவில் தொழிலாளர்கள் கடிவாளமிடுகிறார்கள். கிட்டத்தட்ட ஒரு லட்சத்துக்கு இருபத்தைந்தாயிரம் தொழிலாளர்களைக் கொண்ட நிறுவனம் சாம்சங். நிறைய கிளை நிறுவனங்கள். 4.5% ஊதிய உயர்வை, நீண்ட போராட்டத்துக்குப் பின் பெற்றிருக்கிறது ஒரு கிளை நிறுவனத்தின் தொழிற்சங்கம். அதையொட்டி மற்ற நிறுவங்களில் இருக்கும் தொழிற்சங்கங்களும் ஊதிய உயர்வு, அடிப்படை வசதிகள் போன்றவற்றிற்காகப் போராடுகின்றன. தென் கொரியாவின் தொழிலாளர் சட்டங்கள் வலுவற்றவை. ஹுண்டாயை ஒட்டி தமிழத்தில் தொண்ணூறுகளில் நடந்த உரையாடல்கள் எனக்கு இன்னும் நினைவில் இருக்கிறது.
நீங்கள் ஷிப்ட் முடிந்து செல்லும்போது, உங்களது பெயர் நோடீஸ் போர்டில் தென்பட்டால் நீங்கள் பணியிலிருந்து தூக்கியடிக்கப்பட்டீர்கள் என்று அர்த்தம். எதிர்த்து கேள்வி கேட்கமுடியாது. அதேதான் சாம்சங்கிலும். பணிப் பாதுகாப்பு என்றெல்லாம் ஒன்றும்கிடையாது.
யூனியனே இல்லாமல் ஒரு நிறுவனம் எண்பது ஆண்டுகளாக நடக்கிறது என்றால் அதன் அத்துமீறல்களை எளிதாகப் புரிந்துகொள்ள முடியும். தமிழ்நாட்டில் போராட்டத்தில் ஈடுபடும் சாம்சங் தொழிலாளர்களுக்கு தென் கொரிய சாம்சங் தொழிற்சங்கம் ஆதரவு தெரிவித்திருக்கிறது.
இங்கும் கூட நலச்சங்கம் போன்ற ஒரு பொம்மை சங்கத்தை வைத்துக்கொண்டு தொழிலாளர் சட்டங்களை வளைக்கலாம் என்று சாம்சங் நினைக்கிறது. அந்த வழிமுறை நம் நாட்டில் நம் மாநிலத்தில் பல நிறுவனங்களில் உள்ளதுதான். CITU தொழிற்சங்கம், தீவிரமான போராட்டங்களுக்கும் அதன் வலுவான பேரம் பேசும் ஆற்றலுக்கும் பெயர் போன தொழிற்சங்கம். கம்யூனிஸ பின்புலத்தில் அதன் உபவிளைவுகளும் உண்டு. ஆனால் சுரண்டலையே வியாபாரப் பின்புலமாகக் கொண்ட சாம்சங் நிறுவனம், நாங்கள் வேறு எந்த தொழிற்சங்கத்தை வேண்டுமானாலும் ஏற்றுக்கொள்கிறோம் ஆனால் CITU வை ஏற்றுக்கொள்ள மாட்டோம் என்று சொல்கிறார்கள். அதனால்தான் மந்திரிகளும் பங்கு பெற்ற ஆறுகட்ட பேச்சுவார்தைக்குப் பின்னாலும் கூட உடன்பாடு எட்டவில்லை.
திமுக ஒன்றும் கம்யூனிஸ்ட் அரசாங்கம் அல்ல. கம்யூனிஸ்ட் கட்சி தேர்தலில் வெற்றி பெற பண உதவி செய்யும் முதலாளித்துவ கட்சி அது. இந்த பேரத்திலும் கூட அது தனது முதலாளித்துவ பண்பையே காண்பிக்கிறது. CITU தொழிற்சங்கத்தை விடுத்து வேறு ஒரு நலச்சங்கத்தின் பின்னால் தொழிலாளர்கள் திரண்டு, நிறுவனத்துடன் ஒருவித சமரசத்தைக் கையாள வேண்டும் என்றே அது விரும்புகிறது. தொழிலாளர்களின் பிடிவாதத்தால் அது சீண்டப்பட்டிருக்க வேண்டும். அதனால்தான் காவலர்களை வைத்து தொழிற்சங்கத் தலைவர்களை நள்ளிரவில் கைது செய்வது, அவர்கள் போராடும் இடத்தில் வேயப்பட்ட பந்தலைப் பிரித்து எறிவது போன்ற காரியங்களில் ஈடுபடுகிறது.
ஒரு வெளிப்படையான முதலாளித்துவ அரசாக, முதலீட்டை ஈர்ப்பதை இலக்காக வைத்து செயல்படும் திமுக அரசு, இந்த விவகாரத்தில் தொழிலாளர் பக்கம் நின்றால் அது முதலீடு செய்ய விரும்பும் நிறுவனங்களுக்கு தவறான சமிக்ஞயை அளித்துவிடும் என்று அஞ்சுகிறது. இன்னும் சொல்லப்போனால், தமிழகத்தில் முதலீடு செய்ய விரும்பும் நிறுவனங்களுக்கு வலுவான ஆதரவு சமிக்ஞயைத் இந்த அரசாங்கம் தர விரும்புகிறது. இந்த அரசு நிறுவனத்துக்கு ஆதரவாக செயல்படுகிறது என்ற CITU தொழிற்சங்கத் தலைவரின் குற்றச்சாட்டில் உண்மையுண்டு. கட்சி ஆதரவு இணையப் பொறுக்கிகள் களத்துக்கு வந்து பத்தாவது மட்டுமே படித்தவர்கள் இத்தனை சம்பளம் வாங்குகிறார்கள் போன்ற விவாதங்களைக் கிளப்புவது அதனால்தான்.
கூட்டணியில் பங்கு பெற்றிருக்கும் கம்யூனிஸ்ட் கட்சிகள் திரிசங்கு நிலையில் இருக்கின்றன. அவை வெளிப்படையாக தங்களது நிலைப்பாட்டை அறிவித்து தொழிலாளர்களுடன் நின்றிருக்க வேண்டும். வாக்கைக் குறிவைத்து, இந்த அரசின் மீது விமர்சனம் வைக்கிற அதிமுக போன்ற கட்சிகள் இதை ஒரு வாய்ப்பாக எண்ணுகின்றன. இதே திமுக எதிர்க்கட்சியாக இருந்திருந்தால், ஸ்டாலின் இந்நேரம் சேகுவாராவாக மாறி பூந்தமல்லியை கியூபாவாக மாற்றியிருப்பார். எடப்பாடிக்கு அந்த அளவுக்கு கூறு போதாது.
ஒரு குழப்பத்தைத் தீர்க்க நிறுவனங்கள் பெரும்பாலும் கையாளும் உத்தி - பிரித்தாள்வது. அதற்காகக் கோடிக் கணக்கில் கூடச் செலவு செய்யத் தயங்கமாட்டார்கள். சங்கம் அமைப்பதை மட்டும் ஏற்கமுடியாது என்பது நிறுவனங்களின் முக்கியக் கொள்கை. இன்று போராட்டம் நடத்துபவர்கள் அதைத் தருகிறேன், இதைத் தருகிறேன் என்று சொன்னால் கலைந்துவிடுவார்கள். அவை உண்மையில் கொடுக்கப்படுகின்றனவா, நாளையே வேறு தேவை என்றால் என்ன செய்வது என்பதெல்லாம் அவர்கட்குத் தேவையில்லை. அதுதான் நிறுவனங்களுக்குத் தேவை.
மென்பொருள் நிறுவன ஊழியர்கட்கென்று சங்கம் அமைப்பதே பெரும்பாடாகி, இன்றும் அப்படி ஒன்று இருப்பதே அறியாதவர்கள் தான் இங்கே மிகுதி. அந்தச் சங்கம் நீதிமன்றத்தில் போராடிப் பெற்றுத்தந்த நன்மைகள் வெளியே தெரிவதில்லை. தெரியாதவாறும் பார்த்துக்கொள்ளப் படுகிறது.

சங்கங்களினால் ஏற்படும் தீமைகளை மறுப்பதற்கில்லை. ப்ரிகால் நிறுவனத்தில் உறவினர் ஒருவருக்கு ஏற்பட்ட பாதிப்பைச் சொற்களில் விளக்கமுடியாது. அதற்காகச் சங்கங்களையே தூக்கியெறி என்று சொல்வது, இடவொதுக்கீட்டைச் சிலர் கேடாகப் பயன்படுத்துகின்றனர் என்று அதையே தூக்கியெறிய நினைப்பது.நந்திகிராமில் ஏற்பட்ட குழப்பத்தால் இந்த நாள்வரை கம்யூனிஸ்ட் அரசு மறுபடி ஆட்சிக்கு வர முடியவில்லை என்பதும் நினைவில் கொள்ளப்பட வேண்டும்.
எவன பாத்தாலும் தொழிலாளி அத பண்ணனும் இத பண்ணனும்னே சொல்லிட்டு இருக்கீங்களே யாராவது ஒருத்தன் யாரவது ஒருத்தன் அந்த நிறுவனத்த பாத்து எந்நாட்டு தொழிலாளிகளோட அடிப்படை உரிமைகளை பறிக்காதேனு பேட்டி கொடுக்கீறீங்களாய்யா ? இலவசத்துக் ஆசை பட்டால் உயிருக்கு உடமைக்கு மதிப்புக்கும் மரியாதைக்கு வருங்கால சந்ததியினர் வாழ்க்கைக்கு உத்தரவாதம் இல்லை தமிழக மக்கள் நீங்கள் யோசிக்க வேண்டும்!!

Samsung நிறுவனம் தொழிலாளர்களை வஞ்சிப்பதற்கு உண்மையான காரணமென்ன?

நாம் யூனியன் என்கிற சொல்லை கேட்டாலே முதலாளி வர்க்கத்திற்கு ஆனியன் உரிப்பது போல கண் எரிச்சல் இல்லை... இல்லை,..
மனது எரிச்சல் ஏற்படும். தங்கம் செய்யாததை சங்கம் செய்யும் என்பார்கள். போராடினால் தான் வெற்றி...!

நமக்கு போராட்டம் என்கிற வார்த்தையைக் கேட்டாலே காதை மூடிக் கொள்கிற ஒரு குணம் நம்ம மக்களிடையே சிலருக்கு உண்டு. தொழிற்சாலைகளை அமைத்து தொழிலாளர்களுக்கு வேலையும் சம்பளமும் கொடுப்பவர்கள் எல்லாம் லாப நோக்கம் சிறிதுமற்ற சேவை மனப்பான்மை மட்டுமே கொண்ட கருணை வள்ளல்கள் என்று அவர்களாகவே நினைத்துக் கொள்வது. தங்களின் அடிப்படைக் கோரிக்கைகளுக்காகத் தொழிலாளர்கள் போராடும்போது "அதான் இவ்வளவு கிடைக்குதுல்ல இதுக்குமேல என்ன வேணுமாம் இவங்களுக்கு" என்று முகவாயில் இடித்துக் கொள்வது. சம்பளம் தருகிற முதலாளியைப் பகைச்சுக்கலாமா முதலாளி கோவித்துக்கொண்டு தொழிற்சாலையை மூடிவிட்டு வேறு இடத்துக்குப் போயிருவாரே. தொழிலாளர்கள் வேலையை இழந்து விடுவார்களே என்ற அக்கறையோடு தொழிலாளர்களுக்குப் புத்தி சொல்கிறார்களாம் சிலர். வேலை நிறுத்தத்தில் ஈடுபடாதீர்கள் போய் வேலையைப் பாருங்கள் என்று . அதாவது போட்டதைப் பெற்றுக்கொண்டு வாயை மூடி வேலையைப் பாருங்கள் என்பதைத்தான் இப்படி அக்கறையாய்ச் சொல்கிறார்கள். அந்தத் தொழிற்சாலை மூலம் முதலாளிகளுக்குக் கிடைக்கும் கோடிக்கணக்கான லாபம் அந்தத் தொழிலாளர்களின் தொடர்ந்த உழைப்பினால்தான் சாத்தியமாகிறது என்பதை மிகக் கவனமாக கவனத்தில் கொள்ளாமல் தவிர்த்து விடுவது. அப்படி உழைக்கும் தொழிலாளர்களுக்குச் சங்கம் அமைக்கவும் சேர்வதற்கும் உள்ள உரிமை அடிப்படையானது என்பதை இதெல்லாம் எதற்குத் தேவையில்லாத விஷயம் என்று அசட்டை செய்வது. அதுவும் இப்படிப்பட்டவர்களுக்கு யூனியன் என்ற வார்த்தை காதில் விழுந்தாலே போதும் முகம் அஷ்டகோணலாகி விடும். உலகத்தில் தொழிலாளர்கள் இன்று பெற்றுள்ள எட்டுமணி நேர வேலை, விடுப்பு, பணியிடப் பாதுகாப்பு, விபத்துக்கான இழப்பீடு உள்ளிட்ட அத்தனை உரிமைகளையும் முதலாளிகள் இரக்கம் பீறிட தொழிலாளியைக் கூப்பிட்டுக் கூப்பிட்டு முதுகைத் தடவி இந்தா ஐயா வச்சுக்கோ பிடி என வழங்கியதுபோல நினைப்பு இவர்களுக்கெல்லாம்.போராட்டமின்றி இங்கு எதுதான் சாத்தியமானது ?

வேலைக்கு சேரும்போதே தொழிலாளர்களிடம் இவ்வளவு சம்பளம் என்னென்ன சலுகைகள் என்று அக்ரீமெண்டில் கையெழுத்திட்டு தானே வேலையில் செய்கிறார்கள்...தொழிற்சாலைகளில் தொழிலாளர்கள் தொழிற்சங்கம் அமைத்துக் கொள்வது இந்திய அரசியல் சாசனம் வழங்கியுள்ள உரிமை. இது ஆலை நிர்வாகத்தின் சலுகையல்ல.
இப்படி அமையும் தொழிற்சங்கங்களை அரசு பதிவு செய்ய வேண்டும். அப்படி பதிவு செய்யப்பட்ட சங்கங்களில் எதை அதிகாரபூர்வமாக ஏற்றுக் கொள்வது என்பது நிர்வாகத்தின் முடிவு. ஆனால் அதுவும் ஜனநாயகப் பூர்வமான செயலாக இருக்க வேண்டும் எனில் தொழிற்சங்கத் தேர்தல் நடைபெற வேண்டும்.பெரும்பான்மைத் தொழிலாளர்களின் ஆதரவு பெற்று வெற்றி பெற்ற சங்கத்தைக் கண்டிப்பாக நிர்வாகம் அங்கீகரிக்க வேண்டும்.

சாம்சங்கைப் பொருத்தவரை , அரசே தொழிற்சங்கத்தைப் பதிவு செய்ய முடியாது என்கிறது. இது அப்பட்டமான உரிமை மீறல் அல்லவா? அரசியல் சாசனத்துக்கு எதிரானதும்கூட .ஒரு தொழிலாளி வேலையில் சேர்கையில் அடிப்படை ஊதியம் (பத்தாயிரமோ பதினைந்தாயிரமோ இருபதாயிரமோ) ஒரு தொகைக்கு ஒப்பந்தத்தில் கையெழுத்துப் போட்டார் எனில் அடுத்து வரும் வருடங்களில் விலைவாசி உயர்வு மாறி வரும் பொருளாதாரம் போன்ற காரணங்களினால் அவர் ஊதியத்தை உயர்த்திக் கேட்கவே கூடாது என்பது இல்லை. அதேபோல தொழிற்சங்களில் சேரக்கூடாது என்றும் எந்த நிர்வாகமும் ஒப்பந்தம் போட முடியாது. ஆகவே சங்கம் அமைத்து சங்கங்களின் மூலம் ஊதிய உயர்வு உள்ளிட்ட தங்கள் கோரிக்கைகளை வலிமையாக எடுத்துச் சொல்ல ஒரு தொழிலாளிக்கு உரிமை உண்டு. எந்தத் தொழிற்சாலையிலும் நிர்வாகமும் சரி தொழிலாளர் சங்கமும் சரி , தொழிற்சாலையை மூட வேண்டும் என்ற நோக்கில் செயல்படவே மாட்டார்கள். நிர்வாகத்துக்கு, அது கோடிக்கணக்கில் லாபம் தரும் தொழில். தொழிலாளிக்கு அதுதான் அவருடைய வாழ்வாதாரம். பெறும் லாபத்திலிருந்துதான் தங்களுக்குச் சேர வேண்டியதைக் கேட்பார்கள்.நிர்வாகங்கள் மறுப்பது அவர்களின் அதிகப்படியான லாபத்தை பங்கு போட மனமின்றி. எந்தத் தொழிற்சாலையும் தொழிற்சங்கங்களின் போராட்டங்களால் மூடப்படவில்லை.
தொழிலாளியும் அவர் குடும்பத்தினரும் இங்கு வாழும் நம்மில் ஒருவர்தான். உணவு படிப்பு பிள்ளைவளர்ப்பு திருமணம் முதியோர் பராமரிப்பு போக்குவரத்து அந்தச் செலவு இந்தச் செலவு என ஆயிரம் தேவைகள் உள்ள சராசரிக் குடிமக்கள்தான். வேலை போனால் அடுத்து என்ன செய்வது எங்கு போவது என்ற பெருங் கேள்வியும் பொறுப்பும் உள்ளவர்கள்தான். இத்தனையையும் சுமந்து கொண்டு தன்னுடைய அடிப்படை உரிமைக்காகப் போராடுவதால்தான் சாம்சங் தொழிலாளியை ஆதரிக்க வேண்டும் என்ற நிலைபாட்டினை எடுக்கிறேன்.

தொழிற்சாலைகள் மூடுவதற்கான காரணத்தை மிக ஆதாரப்பூர்வமாக திருமுருகன் காந்தியின் பதிவை  கீழே எடுத்துக்காட்டி உள்ளேன்.

அவர் தொழிற்சங்கங்களால் மூடப்பட்ட நிறுவனமாக கோவை விஸ்கோஸ், பிரிக்கால், ஸ்டாண்டர்ட் கார் கம்பெனி, சென்னை நோக்கியா, பின்னி மில் என பட்டியலிடுகிறார்.

உண்மையான காரணமென்ன?

1. கோவை சிறுமுகையிலிருந்த விஸ்கோஸ் நிறுவனம் மிக மோசமான கழிவுகளை பவானி ஆற்றில் வெளியேற்றியது, அதனுடைய டெக்னாலஜி மிகப்பழமையான முறையாக இருந்தது. தொடர்ந்து சட்ட மிறல், விதிமீறலை செய்ததால் நீதிமன்றத்தால் இந்த நிறுவனம் 2001ல் மூடப்பட்டது.

2.கோவை ப்ரிக்கால் நிறுவனத்தில் CITU கிடையாது. சிபிஐ-எம்.எல்-லிபரேசன் அமைப்பின் AICCTU போராட்டத்தை முன்னடத்தியது. பிரிக்கால் நிறுவனம் சம அளவில் சம்பளத்தை தரவேண்டுமென தொழிலாளர்கள் போராடினார்கள். இப்போராட்டத்திற்கு அனைத்து சனநாயக அமைப்புகள், பெரியாரிய அமைப்பு உட்பட மனித சங்கிலி உள்ளிட்ட போராட்டமும் நடத்தப்பட்டது. ப்ரிக்கால் நிறுவனம் பண்ணையார் தனத்துடனும், சாதிய உணர்வுடன் இயங்கும் நிறுவனம் என்பது பலருக்கும் தெரிந்த உண்மை.போராட்டத்தின் பின் 300 தொழிலாளர்களை பழிவாங்கியது ப்ரிக்கால். இதை தொழிற்சாலை தீர்ப்பாயம் கண்டித்து ரத்து செய்யச் சொன்னது. இக்கம்பெனி மூடப்படவில்லை.

3.ஸ்டெண்டர்டு கார் கம்பெனி இங்கிலாந்து கம்பெனியின் பிரிவாக சென்னையில் செயல்பட்ட கம்பெனி. இது கொண்டு வந்த கார்கள் அதிக விலையாகவும், குறைந்த செயல்திறனும், குறைவான மைலேஜும் கொண்டதாக இருந்தது. நிறுவனத்தின் விற்பனை படிப்படியாக குறைந்து வருடத்திற்கு ஆயிரம் கார்கள் எனுமளவில் கூட உற்பத்தி செய்ய இயலாத நிலையிலும், தொழிற்நுட்பத்திற்கான அனுமதியை வெளிநாட்டிலிருந்து பெறமுடியாமலும் முடங்கி போனது. இதனால் இது மூடப்பட்டது. இப்படியாக மூடப்படும் நட்ட சூழலில் தொழிலாளர்களுக்கான நட்ட ஈட்டை பலி கொடுப்பது முதலாளிகள் வாடிக்கை. இதை கேள்வு எழுப்பினால் தொழிலாளர்கள் மீது பழி போடப்படும் என்பதை அனைவரும் அறிவர்.

4. சென்னை பின்னி மில் போராட்டம் 1920 முதல் திரு.வி.க போன்றோரால் நடத்தப்பட்டு ஆங்கில அரசால் தொழிலாளர்கள் அடக்கி ஒடுக்கப்பட்ட காலம் முதல் நீண்ட காலமாக தொழிலாளர் விரோத போக்குடைய நிறுவனம். அதன் மெசினரிகள் இந்தியன் வங்கிக்கு பாத்தியப்பட்டவை, மேலும் இன்சூரன்ஸ் பணத்தை பெற்று முடக்காமல் கம்பெனியை மீண்டும் நடத்தவேண்டுமென தமிழக அரசும், தொழிற்சங்கமும் நீதிமன்றத்தில் போராடின. பின்னி மில் போராட்டம் 1921-24 வரை நடந்தது. இந்த போராட்டத்தால் தான் இந்தியாவில் முதல் 'தொழிலாளர் சட்டம்' இயற்றப்பட்டது. சென்னையின் மேதின பூங்கா, தொழிலாளர் சிலை, தொழிலாளர் சங்கங்கள் என பல உருவான தொழிலாளர் இயக்கங்களின் பின்னனியில் பின்னிமில், கர்நாடிக் மில், பாம்பே-பர்மா ஆயில்கம்பெனி போராட்டங்கள் உண்டு. இவற்றிலிருந்து உருவான மாபெரும் ஆளுமை இந்தியாவின் முதல் கம்யூனிஸ்ட் என அழைக்கப்பட்ட தோழர்.சிங்காரவேலர். இச்சமயங்களில் சிங்காரவேலரும், சுயமரியாதை இயக்கத்தின் தலைவர் தந்தை பெரியாரும் இணைந்து இயங்கிய தமிழ்நாடு தொழிலாளர் சங்க வரலாறு தனித்துவமானது. சுயமரியாதை-சமதர்ம இயக்கம், தோழர் ஜீவாவின் பங்களிப்பு, தொழிலாளர் இயக்கம் என நிகழ்ந்ததன் பின்னனியில் பின்னி மில் என்பது மறக்க இயலாதது.

5. சென்னை நோக்கியாவின் சிக்கல்கள் இந்தியாவின் வருமான வரி தொடர்புடையது. இந்தியா-பின்லாந்து நாட்டிற்கு இடையேயான (DDTA) ஒப்பந்தங்களை வேறுவிதமாக இந்தியா கையாண்டது என நோக்கியா குற்றம் சாட்டியது. ஏற்றுமதி செய்வதற்கு மட்டுமே வரிச் சலுகை எனும் ஒப்பந்தத்தை மீறி உள்நாட்டில் விற்பனை செய்ததற்கும் வரிச்சலுகை பெற்று தமிழக அரசை ஏமாற்றியது. நோக்கியாவின் பிறிதொரு நிறுவனத்துடனான ஒப்பந்தம், பணப்பரிமாற்றத்திற்கான வரியை இந்திய அரசு கேட்டது. மேலும் மைக்ரோசாப்ட் கம்பெனியுடனான சச்சரவுகளும் முன்னுக்கு வந்தது. இதுமட்டுமல்லாமல் நோக்கியா மொபைல் போன்களின் சந்தை குறைந்து போனது நாம் அறிந்தததே. சென்னை தொழிற்சாலையில் நடந்த விபத்தில் ஒருபெண் கொல்லப்பட்டார். தொழிலாளர்கள் ஓய்வெடுக்கக்கூட இடமில்லாத விடயங்களை போன்றவற்றை கோரிக்கையாக வைத்த தொழிலாளர்களால் நோக்கியா மூடப்பட்டது என்பது அயோக்கியத்தனம். நட்டமடைந்த நோக்கியா, மிகப்பெரும் வரியாக 15,000 கோடி ரூபாயை கட்டவேண்டிய நெருக்கடி, திருட்டுத்தனமாக உள்நாட்டில் வியாபரம் செய்து வரி ஏய்த்தது என பல காரணங்களால் நோக்கியா மூடப்பட்டு வியட்நாம் சென்றது. இதற்கு காரணம் சொல்லவேண்டுமானால் வருமானவரி துறையை சொல்லலாம்.

உண்மைகளை மறைத்து, பொய் செய்திகளை பரப்புவதால் மென்மேலும் தனிமையடைவீர்கள். 'ஊடகவியலாளர்' எனும் பெயரில் டிவி விவாதங்கள், யூட்யூப் பேட்டிகள் என அரசியலற்ற செய்திகளை கடந்த 3 வருடங்களாக பொதுவெளியில் பரப்பி வருகின்றனர். இந்த 'பத்திரிக்கையாளர்'களில் பெரும்பான்மையோருக்கு வாசிப்பும், களப்பணியும், மக்கள் மீதான அக்கறையும் கிடையாது.

நன்றி : திருமுருகன் காந்தி.

ஆக்கம்  மற்றும் தொகுப்பு  : மு.அஜ்மல் கான்.

அலைகடலின் தலைவன் என்று அழைத்த ஓமான் தேசத்தில் பிறந்த அஹ்மத் இப்னு மஜீத் !! ஓர் ஆய்வு தவகல்..

 

சுமார் ஐநூறு ஆண்டுகளுக்கு முன்னர் கி.பி 1420  அஹ்மத் இப்னு மஜீத் ஓமான் தேசத்தில் பிறந்த ஒரு ஆற்றல் மிகுந்த கடலோடி.

மீனவ பாரம்பரிய குடும்பத்தில் பிறந்தவர், தன் தந்தையிடமிருந்து பல கடலியல்  மரபு சார்ந்த அறிவை கற்றுத் தெளிந்தார்.

இந்தியா, இலங்கை, கீழைத்தேய நாடுகள் மற்றும் சீனாவிற்கு கடற் வழி பயணம் மேற்கொண்டு வணிக சாத்துக்களை பாதுகாப்புடன் மீண்டும் அரேபியாவுக்கு கறை சேர்த்த சிறந்த மாலுமியாக  திகழ்ந்தவர் இப்னு மஜீத்.

ஆப்பிரிக்கா கண்டத்தின் கிழக்கு கடற்கரை துறைமுகங்களில் பயணப்பட்டு நன்கு அறிமுகவானவர்.

ஒரு நூலில் குறிப்பிட்ட அளவு இடைவெளியில் அடுத்தடுத்து பல முடிச்சுகள் போட்டு ஒரு முடிச்சை பற்களில் கடித்து  துளையுள்ள சிறிய அட்டை ஒன்றின்  மூலம் சூரிய, சந்திர மற்றும் நட்சத்திரத்தின்  கோணங்களை கணக்கிட்டு அதன் மூலம் நடுக்கடலில் கப்பல் இருக்கும் நிலை, செல்ல வேண்டிய எல்லை ஆகியவற்றை துல்லியமாக கணிக்கும் திறன் பெற்றிருந்தார்.

இவரிடம் 11 நூற்றாண்டு காலத்து  ஆந்தலூசியா  திசை மானியும் அதே சமயத்தில் சமகால சீன மாலுமிகள் பயன் படுத்தும் திசை மானிகளையும் கைவசம் வைத்து பயன்படுத்தி வரலாற்று ரீதியிலும் அறிவியல் ரீதியிலும் மனிதர் update ஆக இருந்திருக்கிறார்.!

கி.பி1490 அஹ்மத் இப்னு மஜீத் எழுதிய புத்தகம் Kitab al-Fawa’id fi Usul ‘ilm al-bahr wa al-Qawa’ed, (Book of Useful Information on the Principles and Rules of Navigation ) உலகின் முழு கடற் பயண வழித்தடங்களில் பாதி வழித்தடங்களை குறித்து  அந்த புத்தகத்தில் எழுதப்பட்டுள்ளது. இது கடல்சார் துறைக்கு கட்டற்ற கலைக்களஞ்சியமாக திகழ்கிறது.இந்த புத்தகம் தற்போது பிரான்ஸ் நாட்டின் தலைநகர் பாரீஸ் தேசிய நூலத்தில் உள்ளது.இவரது பல நூற்கள் பிரெஞ்சு மொழியிலும் பின்னர் ஆங்கிலத்திலும் மொழியாக்கம் செய்யப்பட்டது.

1498 போர்ச்சுகீசிய நாடு காண் பயணி?! வாஸ்கோடகாமா இந்திய பயணத்திற்க்கு ஆப்பிரிக்கவின் கென்யா (மலிந்தி துறை முகத்திலிருந்து) தென்னிந்திய மலபார் கடற்கறைக்கு ஆழ்கடல் பயணத்திற்க்கு உதவியவர் அஹ்மத் இப்னு மஜீத் ஆவார். வாஸ்கோடாமாவுடன்  இந்திய பயணத்தில் உடன் சென்ற குழு உறுபினர்களில் ஒருவரான  Álvaro Velho எனும் படை வீரர் எழுதிய குறிப்பு Roteiro da viagem de Vasco de Gama  எனும் புத்தக்தில்  இப்னு மஜீதை மொம்பசாவில் சந்தித்து இந்திய பயணத்திற்க்கு வழிகாட்டுமாறு கேட்டுக் கொண்டார் வாஸ்கோடகாமா என அப்புத்தகத்தில் குறிப்பிட்டுள்ளார்.

கப்பல் கட்டுமான தொழில்நுட்பம், கடலில் ஏற்படும் நீர் சுழற்சி, மணற் திட்டுகள், தட்ப வெப்ப சூழ்நிலை, பருவ காலங்களில் காற்றின் திசைவேகம், சூறாவளி , வசந்த காலங்களில் பயணிக்கும் பறவை இனங்கள்,   மற்றும் வானவியல்  குறித்த பட்டறிவை ஏடுகளில் எழுதினார்.இப்னு மஜீத் எழுதிய  கடல் சார்ந்த புத்தகம் மட்டும் சுமார் 30 க்கும் அதிகம் என்கிறது ஓர் ஆய்வு குறிப்பு.  

 அஹ்மத் இப்னு மஜீத்தை அன்றைய அரபுகள் مُعَلِّم‎ முஅல்லிம் என அழைத்தார்கள்.

முஅல்லிம் என்பதற்கு ஆசிரியர் என பொருள். 

ஐரோப்பிய கடலோடிகள் இவரை Master of Marine என்று அழைத்தார்கள்.

தொகுப்பு  : மு. அஜ்மல்  கான்.

After +2 /HSC/ PUC courses available in india (ப்ளஸ் -2 வகுப்பிற்கு பின் படிக்க என்னென்ன வாய்ப்புகள் உள்ளது!!) ஒரு பார்வை...

 ப்ளஸ் -2 வகுப்பிற்கு பின் படிக்க இவ்வளவு வாய்ப்புகள் உள்ளது  

என்னென்ன படிக்கலாம்  என்று மாணவ, மாணவிகளின் பார்வைக்கு கொண்டுசெல்லுங்கள்  பயன் பெறுங்கள்...

Science Courses (3 Years)

Bsc Physics

Bsc Chemistry

Bsc Botany

Bsc Zoology

Bsc Computer science

Bsc Mathematics

Bsc PCM

Bsc CBZ

Bsc Forestry

Bsc Dietician & Nutritionist

Bsc Home Science

Bsc Agriculture Science

Bsc Horticulture

Bsc Sericulture

Bsc Oceanography

Bsc Melsorology

Bsc Arthopology

Bsc Forensic Science

Bsc Food technology

Bsc Diary Technology

Bsc Hotel Management

Bsc Fashion Design

Bsc Mass Communication

Bsc Electronic Media

Bsc Multimedia

Bsc 3D Animation

Commerce Courses

CA Chatted Account

CMA Cost Management Account

 CS Company Secretary (Foundation)

B.Com Regular

B.Com Taxation &Tax Procedure

B.Com Travel & Tourism

B.Com Bank Management

B.Com Professional

BBA  /. BBM Regular

BFM Bachelor of Financial Management 

BMS

BAF

Humanities Courses

Advertising

BS General

Criminology

Economics

Fine Arts

Foreign languages

Home Science

Interior Design

Journalism

Library Science

Physical Education

Political Science

Psychology

Social Work

Sociology

Travel and Tourism

Management Courses

Business Management

Bank Management

Event Management

Hospital Management

Hotel Management

Human Resources Managemet

Logistics Management

Law Courses (3/5 Years) 

LLB,

BA+LLB

B.Com + LLB

BBM+LLB,

BBA. +LLB

MEDICAL COURSES 

 MBBS General Physician/Doctor  (4வருடம்):　

　 　 　 　 　 　 　 　 　 Ophthalmic
　 　 　 　 　 　 　 　 　 Ophthalmic
　 　 　 　 　 　 　 　 　 Gynecology
　 　 　 　 　 　 　 　 　 Dermatology
　 　 　 　 　 　 　 　 　 Orthopedics
　 　 　 　 　 　 　 　 　 Orthopedics
　 　 　 　 　 　 　 　 　 Radiology
　 　 　 　 　 　 　 　 　 Electro logy
　 　 　 　 　 　 　 　 　　Endocrinology
　 　 　 　 　 　 　 　 　 Cardiology
　 　 　 　 　 　 　 　 　 PlasticSurgeon
　 　 　 　 　 　 　 　 　General Surgeons
　 　 　 　 　 　 　 　 　Neuron Surgeons
　 　 　 　 　 　 　 　 　Pediatrician
　 　 　 　 　 　 　 　 　Thoracic Surgeons
　 　 　 　 　 　 　 　 　Trauma Surgeons
　 　 　 　 　 　 　 　 　Urologist
　 　 　 　 　 　 　 　 　Gastroenterology
　 　 　 　 　 　 　 　 　Oncology
　 　 　 　 　 　 　 　 　Anesthesiology
　 　 　 　 　 　 　 　 　Psychiatry
　 　 　 　 　 　 　 　 　ENT/Ear nose Throat Specialist
　 　 　 　 　 　 　 　 　Pathologist
　 　 　 　 　 　 　 　 　Sexologist

　 　 　 　BUMS Unani

BHMS Homeopathy

BAMS Ayurveda

BSMS Sidha

BNYS Naturopathy

BDS Dental

BVSc Veterinary.

PARAMEDICAL COURSES 

Nursing

Pharm D

B.Pharm

D.Pharm

M. Pharm

Anesthesia technical

Cardiac Care technical

Perfusion technology

Cathllab technology

Clinical Optometry

Dental Hygiene

Dental Mechanic

Dental Technician

Health Inspector

Medical imaging & Tech...

Medical Lab technician

Medical Records tech

Medical X Ray Technician

Nuclear Medicine Tech

Occupational Therapist

Operation theater Tech

Ophthalmic Assistant

PHYSIOTHERAPY

Radiographic Assistant

Radiotherapy Technician

Rehabilitation Therapy

Respiratory Therapy Tech.

Blood Transfusion Tech..

Bsc Renal Dialysis

B.E /B.Tech Engineering (4year)

Petro chemical Engineering

Petroleum Engineering

Civil Engineering

Mechanical Engineering

Aeronautical Engineering

Aerospace Engineering

Agricultural Engineering

Architecture Engineering

Automobile Engineering

Automation & Robotics Eng.

Artificial Intelligence eng 

Avionics Engineering

Biomedical Engineering

Bio technological Eng..

Chemical Engineering

Ceramics Engineering

Computer Science Engi..

Electronics &Comm.Engi.

Electrical & Electronics Engi.

Environmental Science Engi.

Information Science Engi

Industrial Engineering

Industrial Production Engi..

Instrumental Technology

Marine Engineering

Medical Electronics Engi..

Mining Engineering

Manufacturing Science Engi.

Naval Architecture Engi....

Nanotechnology Engi..

Polymer Technology Engi..

Silk Polymar Engi...

Carpet Technology Engi...

Textile engineering

Robotics

Genetic

POLYTECHNIC  DIPLOMA COURSES  (10 th class -3years ) 

Electronic and Communication Engineering

Civil Engineering

Chemical Engineering

Mechanical Engineering

Computer Science and Engineering

Electrical Engineering

Aeronautical Engineering

Automobile Engineering

Ceramic Engineering

Mining Engineering

Fashion Engineering

Biotechnology Engineering

Petroleum Engineering

Instrumentation and Control Engineering

Art and Craft

Production Engineering

Environmental Engineering

Textile Engineering

Agricultural Engineering

Management Courses  (2/3/5Years Duration):

BBA /BBM

BBA Aviation

BBA Air Cargo Management

BBA Aeronautical

BBA Retail Marketing

BBA Customer Care Management

BBA Airline & Airport Management

BBA Cargo Management

BBA Office Management

BBA Store Management

BBA Mall Management

BBA Logistics

Diploma in Retail Management

Diploma in Accounting and Finance

Diploma in Human Resources

Diploma in Information Technology

Diploma in Banking

Diploma in Infrastructure and Construction

Diploma in Marketing

Diploma in Interior Designing

Diploma in Textile and Leather Designing

Diploma in Plastic Technology

Diploma in Company Secretary ship

Diploma in Entrepreneurship

BCA SAP

BCA Cloud Computing 

MBA Logistics

         Aviation

         HR

         Management

Architecture (5 years +2)

B.Arch (NATAis Compulsory)

M.Arch .

 மாணவர் ,மாணவியர்கள் தங்களது பெற்றோர்களுடன் கலந்தாலோசித்து நீங்கள் விருப்பமுள்ள  நல்லதொரு பிரிவை தேர்ந்தெடுத்து பயில்வதற்கு நல்வாழ்த்துக்கள் .

உங்கள்  மு.அஜ்மல் கான்.

கல்லூரியில் சேர்க்கைக்கு தயாராயிருக்கும் மாணவர்கள் மற்றும் அவர்களின் பெற்றோர்களின் கவனத்திற்கு..

பெற்றோரின் தனித்துவமான பங்களிப்பை அங்கீகரிப்பது மற்றும் அவர்களின் குழந்தைகளின் கல்விப் பயணத்தில் தீவிரமாக ஈடுபட அவர்களுக்கு அதிகாரம் அளிப்பது, கற்றலுக்கான அன்பை வளர்க்கும் மற்றும் மாணவர்களின் முழுத் திறனை அடைய அவர்களுக்கு அதிகாரம் அளிக்கும் ஒரு ஆதரவான சூழலை வளர்ப்பதில் கருவியாகும்.

இந்த 2023-24 கல்வியாண்டில் கலை, அறிவியல், பொறியியல், மருத்துவம் மற்றும் சட்டக் கல்லூரிகளில் தங்கள் பிள்ளைகளை  சேர்க்க வேண்டும் என்று உள்ளவர்கள் கீழ்கண்ட விசயங்களை முதலில் சரிசெய்து வைத்து கொள்வது கடைசி நேர அலைச்சலையும் நேரத்தையும் மிச்சப்படுத்தும்.

🔵 2023ஆண்டுக்கான +2 தேர்வு முடிவுகள் மே மாதம் 08 ஆம் தேதி வரவுள்ளது என்பதனை அறிவோம்.

🔵 மாணவர்களின் பாஸ்போர்ட் சைஸ் கலர் போட்டோ 10 ம், ஸ்டாம்ப் சைஸ் போட்டோ 4 ம் எடுத்து வைத்துக் கொள்ளவும். மேலும் அவற்றை டிஜிட்டல் வடிவிலும் வாங்கி வைத்துக்கொள்ளவும்.

🔵 மாணவர்கள் பெயரில் ஏதேனும் ஓர் தேசிய மயமாக்கபட்ட வங்கியில் [Nationalized bank] சேமிப்பு கணக்கு ஒன்று துவக்கி வைத்துகொள்ளவும், வங்கி கணக்கு துவங்க பான் கார்டு PAN CARD இல்லாதவர்கள்  விடுமுறையில் விண்ணப்பித்து எடுத்துக் கொள்ளவும்.

🔵 பிறப்பு சான்றிதழ் (Birth certificate) ஒரிஜினல் இல்லாதவர்கள் பஞ்சாயத் போர்டு /நகராட்சி/ மாநகராட்சி ஏதேனும் ஒன்றில் விண்ணப்பித்து புதிய பிறப்பு சான்றிதழ் வாங்கி  வைத்து கொள்வது நல்லது. 

🔵 சாதி சான்றிதழ் (Community certificate) இல்லாதவர்களும் / ஒரிஜினல் தங்கள் கைவசம் இல்லாதவர்ககளும் இது சமயம் புதியது ஒன்று வாங்கி வைத்து கொள்ளவும். இச்சான்று தற்போது QR code-உடன் கூடிய digital வடிவில் கொடுக்கப்படுகிறது.

இந்த சான்றிதழ் கல்லூரியில் அரசு இடஒதுக்கீட்டில் இடம் கிடைக்க தேவை. மேலும் கல்வி உதவித்தொகைக்கு விண்ணப்பிக்க இது தேவை.

🔵 பிறப்பிட சான்றிதழ் (Nativity certificate) இல்லாதவர்கள் புதியது ஒன்று வாங்கி வைத்து கொள்ளவும். இச்சான்று தற்போது QR codeஉடன் கூடிய digital வடிவில் கொடுக்கப்படுகிறது.

இந்த சான்றிதழ் நீங்கள் தமிழ்நாட்டை சேர்ந்தவர்தான் என்பதை உறுதிபடுத்தி, பொறியியல்/ மருத்துவ கல்லூரியில் அரசு இடஒதுக்கீட்டில் இடம் கிடைக்க தேவை.

🔵 முதல் தலைமுறை பட்டதாரி (First generation graduate certificate) சான்றிதழை, தகுதியானவர்கள் வாங்கி வைத்துக்கொள்ளவும். முதல் தலைமுறை பட்டதாரிகளுக்கு கல்லூரி கட்டணத்தில் சிறப்பு சலுகை வழங்கப்படுகிறது.

🔵 வருமான சான்றிதழ், தேவையுள்ளவர்கள் வாங்கி வைத்துக்கொளவும். இது பள்ளி, கல்லூரிகளில் கல்வி உதவித்தொகைக்கு மற்றும் வருவாய்வழி தேர்வுகளுக்கு விண்ணப்பிக்க தேவை.

முதல் தலைமுறை பட்டதாரி சான்றிதழ், வருமான சான்றிதழ், சாதி சான்றிதழ், பிறப்பிட சான்றிதழ் தேவையுள்ள மாணவர்கள் இப்பொழுதே  இ- சேவை மையங்கள் மூலம்  விண்ணப்பித்து வாங்கி வைத்து கொள்ளவும். 1-2 வாரங்களுக்குள் கிடைத்துவிடும்.

🔵 நீட் தேர்வு மற்றும் மருத்துவ சேர்க்கைக்கு (MBBS/ BDS) விண்ணப்பிக்க விரும்புவர்கள், போட்டோ மற்றும் கைரேகைகளை டிஜிட்டல் வடிவில் ஸ்கேன் செய்து வைத்திருக்கவேண்டும். மேலும் பெற்றோர்களின் சாதி சான்றிதழும் தேவை.

பெற்றோர்களுக்கான அறிவுரை,

1. மாணவர்களின் பெயர்கள் இதுவரை ரேஷன் கார்டு எனும் குடும்ப அட்டையில் சேர்க்காதவர்கள் இப்பொழுதே சேர்த்து  கொள்வது  நல்லது.

2. மாணவர்களின் TC, Mark sheet மற்றும் எல்லா சான்றிதழ்களையும் ஜெராக்ஸ் எடுத்து வீட்டிலும் அல்லது எல்லா சான்றிதழ்களையும் கணிப்பொறியில் PDF வடிவில் சேமித்து வைத்துகொள்ளவும். குறைந்தது எல்லாவற்றிலும் 10 காப்பி தேவை.

3. பிள்ளைகளுக்கு +2 பரிட்சை முடிவுகள் வரும் முன்பாக தாங்கள் பிள்ளைகளை எந்த கல்லூரியில்/ எந்த பாடப்பிரிவில் சேர்ப்பது என மாணவர்களும் பெற்றோர்களும் பேசி தீர்மானம் செய்து வைத்து கொள்வது நல்லது.

மாணவர்களின் பெயர்கள், பிறந்த தேதி, முகவரி, பெற்றோர்களின் பெயர்கள் எல்லா சான்றிதழ்களிலும், குடும்ப அட்டை, ஆதார் அட்டை, ஓட்டுநர் உரிமம் போன்ற ஆவணங்களிலும்,  எழுத்துப்பிழை இன்றி சரியாக, ஒரே மாதிரியாக உள்ளதா என்று சரிபார்க்க வேண்டும்.

கல்லூரி சேரக்கை தகவல்களை நாளிதழ், டிவி மற்றும் தொடர்புடைய இணையதளம் மூலம் அறிந்து வரவும்.

தற்பொழுது பெரும்பாலான  கலை/அறிவியல்/பொறியியல் /சட்டக் கல்லூரி படிப்புகளுக்கு  சேருவதற்க்கு  ஆன்லைன் மூலம் மட்டுமே விண்ணப்பிக்க வேண்டும்.

பெரும்பாலான தனியார் கலை-அறிவியல் கல்லூரிகள் சேர்க்கை விண்ணப்ப விநியோகம்/ ஆன்லைன் பதிவை ஏற்கனவே ஆரம்பித்துவிட்டன.

உங்கள் நண்பன்  மு.அஜ்மல் கான்.

12 ஆம் வகுப்பு படிக்கும் மாணவர்கள் ஐஐடி-யை குறிவையுங்கள் !!

நான் ஒறு வேலை காரனமாக குடும்பத்துடன் சென்னை சென்றிருந்தேன். அங்கு எனது தூரத்து சொந்த  தங்கை  மற்றும் என் மணைவியின் உயிர் தோழி வீட்டில் தங்கினோம்.

அங்கு தங்கை மகன் இம்ரானுடன் உறையாடயதில், அவன் ஐஐடி நுழைவுத் தேர்வுகளை எழுதி  சிறிய கட் ஆப்பில் இழந்ததாகவும், மீண்டும் அடுத்த வருடம்  நுழைவுத் தேர்வு எழுதுவதாகவும் கூறினார்.

அதன் காரணமாக 12-ஆம் வகுப்பு படிக்கும் மாணவர்களுக்கு ஒரு அறிவுரை…

இந்தியா முழுவதும் பல ஐஐடியும், பல்வேறு மத்தியப் பல்கலைகழகங்களும் இயங்கி வருகின்றன. அதில் பெரும்பாலும் வட இந்தியர்களோ, பிராமணர்களோதான் பயில்கின்றனர்.இதன் விளைவாக, இந்தியாவின் உயர் பொறுப்புகளில் அவர்கள் எளிதாக நுழைந்துவிடுகின்றனர். பெல், நெய்வேலி பழுப்பு நிலக்கரி மற்றும் மின் உற்பத்தி நிலையம், கல்பாக்கம், கூடங்குளம், சேலம் இருப்பாலை என்று எல்லா மத்திய நிறுவனங்களிலும் அவர்கள்தான் உயர் பொறுப்பில் அமர்ந்துள்ளனர்.

 இந்த நிலையை  எவ்வாறு மாற்ற வேண்டும் ??.

பிராமணர்களும், வட இந்தியாவைச் சேர்ந்த உயர் வகுப்பினரும், நிதானமாகத் திட்டமிட்டு படித்து, அவற்றுக்கான நுழைவுத் தேர்வுகளை எழுதி, ஐஐடி, ஐஐஏஸி, மத்தியப் பல்கலைக்கழகங்களில் உள்ள எல்லா இடங்களையும் கைப்பற்றுகின்றனர். இந்த விசயத்தில் அவர்கள் அவசரப்படுவதே இல்லை. 'முந்துகின்ற கல் அடிக் கல்லாக மாறும், பொறுத்திருந்த கல் கோபுரம் செல்லும்' என்பார்களே, அதுதான் இந்த விடயத்தில் நடக்கிறது.

நம் குழந்தைகளுக்கு நாம் என்ன கற்றுக் கொடுக்கிறோம்?

 12-ஆம் வகுப்பு படித்தவுடன், அவசர அவசரமாக ஏதேனும் ஒருக் கல்லூரியில் பிஎஸ்ஸி, பிஇ போன்ற ஏதேனும் ஒருப் படிப்பில்* சேர்த்துவிடுகிறோம். இலட்சக்கணக்கான ரூபாய் பணத்தைக் கொட்டிப் படிக்க வைத்தேன் என்று பெருமைப் பீற்றுகிறோம். ஆனால், பிள்ளைகளோ, தரமாகத் தயாராகி வராமல், தகுதியற்றவற்களாக சமூகத்திற்குள் நுழைந்து, வேலையில்லாமல் திரிகின்றனர். தொழிற்நுட்ப கிரீயேட்டர்களாக வரவேண்டியவர்கள், மீம்ஸ் கிரியேட்டர்களாக வலம் வருகின்றனர்.

பிஇ படித்துவிட்டு வீட்டிலும் இருக்க முடியாமல், சென்னை, பெங்களூர் போன்ற பெருநகரங்களில் முட்டுச்சந்துகளில் அறை எடுத்துத் தங்கி, சாப்பாட்டுக்கே வழி இல்லாமல் திண்டாடி, தங்களின் வாழ்வே சூரையாடப்பட்டுவிட்டதை உணர்கின்றனர்.

இதற்கெல்லாம் காரணம் என்ன?

'முதல் கோணலே முற்றும் கோணல்' என்பதுதான். முதலில் எந்தப் படிப்பில் சேரவேண்டும். அதையும் எங்கு சேர வேண்டுமெனத் திட்டமிட்டுச் சேரவேண்டும். எத்தனையோ தகுதியுள்ள, திறமையான, புத்திசாலி மாணவர்கள், வீட்டுக்குப் பக்கத்தில் இருக்கும் ஏதேவொரு ஓட்டை ஒடைச்சல் கல்லூரிகளில் சேர்ந்து நான்கு, ஐந்து ஆண்டுகளை விரையம் செய்துவிடுகின்றனர். அந்தக் கல்லூரிகளில் எந்த அறிவியல் புரிதலும் இல்லாத, அதேக் கல்லூரியில் படித்த மாணவர்களையே பேராசிரியர்களாக குறைந்தச் சம்பளத்திற்கு நியமித்து, தொடக்கத்திலேயே மாணவர்களின் வாழ்க்கையை அழித்துவிடுகின்றனர்.

ஆனால், பிராமணர்களும் வட இந்திய உயர் வகுப்பினரும், 12-ஆம் வகுப்பு முடித்தக் கையோடு, பிள்ளைகளை ஓரிரு ஆண்டுகள் வீட்டில் இருந்தே, மத்தியப் பல்கலைக்கழகங்களுக்கான நுழைவுத் தேர்வுகளை எழுத உதவியாக இருக்கின்றனர்.அதற்கென எத்தனையோ புத்தகங்கள் வெளியில் கிடைக்கின்றன. அதனை முழுமையாகப் படித்து, இரண்டு மூன்று முறை நுழைவுத் தேர்வுகளை எழுதி, தங்களின் இடங்களைக் கைப்பற்றுகின்றனர்.

ஐஐடியிலும், மத்தியப் பல்கலைகழகங்களிலும் நுழைவதுதான் கடினம். நுழைந்தப்பின் எல்லாமும் மாணவர்களைத் தேடி வந்துவிடுகின்றன. பணம், தொழில்நுட்ப கருவிகள், வசதிகள், புத்தகம் என்று எல்லாமும் எளிதாக அவர்களுக்கு கிடைத்துவிடுகிறது. சிறந்த அறிவியல் புரிதல் உள்ள மாணவர்களாக உருவாகி, புதியப் புதியக் கண்டுபிடிப்புகளை நிகழ்த்துகின்ற பேராற்றல் கொண்ட மாணவர்களாக சமூகத்திற்குள் நுழைகின்றனர்.இந்த திட்டமிட்ட நகர்வு நம்மிடம் இருக்கிறதா?

இல்லை..

எல்லாவற்றிலும் ஓர் அவசரம். உடனே பிஇ சேர்ந்தாக வேண்டும். உடனே வேலைக்கு போயாக வேண்டும். உடனே கை நிறைய சம்பாதிச்சாக வேண்டும். இதன் விளைவு, இன்று பொறியியல் துறை கவிழ்ந்து கிடக்கிறது. எல்லாத் துறைகளிலும் தகுதியில்லாத பல்லாயிரக்கணக்கான மாணவர்கள் தெருவில் நிற்கின்றனர். இந்தியப் பொருளாதாரம் சரிந்த கையோடு, பொறியாளர்களும் தெருவுக்கு வந்து கொண்டு இருக்கின்றனர். தமிழகம் முழுவதும் பலப் பொறியியல் கல்லூரிகளை மூடுகின்ற நிலைக்கு வந்துவிட்டனர்.

ஆனாலும், இன்றும் ஐஐடியன்களுக்கு வாழ்வு உச்சத்தில்தான் இருக்கிறது. ஐஐடியில் தன் படிப்பை முடிப்பதற்கு முன்பே, உலகம் முழுவதும் பறந்துச் சென்று பணியில் அமர்ந்துவிடுகின்றனர். அவர்கள் யாரிடம் கேட்டாலும் ஒரே பதில்தான் வருகிறது. '12-ஆம் வகுப்பு படித்துவிட்டு, இரண்டு மூன்று ஆண்டுகள் கடினப்பட்டு படித்தேன்.. ஐஐடியில் சேர்ந்தேன்.. சாதித்தேன்..' என்பதுதான் அந்த பதில்.

உங்கள் வீட்டில் வளரும் இளம் தலைமுறைப் பிள்ளைகளுக்கு நான் ஒரேவொரு அறிவுரைதான் வழங்குகிறேன்...

இதே போல் என் தங்கை மகன் மற்றும்அனைத்து +2 மாணவர்களும்  இத்த ஆண்டு நுழைவுத் தேர்வுகளை எழுதி ஐஐடியில் சேர்ந்து  வெற்றியடைய வாழ்த்துகிறேன்.

உங்கள் நண்பன்  மு.அஜ்மல் கான்.

கஃபாவின் சாவியை பாதுகாக்கும் தற்போதைய காவலர்கள் யார் தெரியுமா..?

கஃபாவின் சாவியை பாதுகாக்கும்  தற்போதைய காவலர்கள் ...

 

மக்காவில் இருக்கும் போது மக்கத்து முஷ்ரிக்குகளின் துன்புறுத்தலை தாங்க முடியாமல் நாயகம் ஸல்லல்லாஹு அலைஹி வஸல்லம் அவர்களும், தோழர்களும் ஹிஜ்ரத் செய்து  #மதீனாவை அடைந்தனர். 

இஸ்லாமின் வளர்ச்சியுடன், கி.பி 630 இல், நபிகள் நாயகம் (ஸல்லல்லாஹு அலைஹி வஸல்லம்) மற்றும் அவர்களது தோழர்கள் மீண்டு வந்து எதிரிகளை வென்று மக்காவைக் கைப்பற்றினர்.  

பனூ ஷைபா கோத்திரத்தினர்கள் :!!

பனூ ஷைபா கோத்திரத்தினர்கள் தான் அதுவரை கஃபாவுடையசாவியின்பாதுகாவலர்களாக இருந்தனர்.  

நபிகளார் அவர்களே அதன் பொறுப்பில் தொடர அனுமதித்தார்கள். 

இன்றும் கூட கஃபாவை கழுகும் போதும், சிறப்பு சந்தர்ப்பங்களின் போதும் பனூ ஷைபா கோத்திரத்தின் இன்றைய தலைமுறையினர்களே கஃபாவை திறக்கின்றனர். 

அந்த குலத்தினரின் பரம்பரையிலுள்ள தற்போது மீதமிருக்கும் உறுப்பினர்களின் படம் இது..

கஅபாவின் சாவியை பாதுகாக்கும்  முக்கிய பாதுகாவலர்கள் படம்:

1. ஷேக் சலாஹுதீன் ஸைனுல் ஆபிதீன் அல் ஷைபி, கஃபாவுடைய சாவியின் தற்போதைய பாதுகாவலர்.. 

(நடுவில் இருப்பவர்..) 

 2. அப்துரஹ்மான் ஸாலிஹ் அல் ஷைபி.. 

     (மேலே இடது) 

 3. அஹ்மத் அப்துர்ரஹ்மான் அல் ஷைபி. 

      (மேலே வலது..) 

 4. சாலிஹ் அப்துர்ரஹ்மான் சாலிஹ் அல் ஷைபி (கீழே வலது) 

 5. ஷாமிக் அப்துர்ரஹ்மான் அல் ஷைபி (கீழே இடது).... 

பெண்களுக்கு தாய்ப்பால் சுரக்க எளிய மருத்துவ குறிப்புக்கள் !! ஒரு தவகல்..

பிறந்த குழந்தைகளுக்கு தாய்ப்பால் மிக சிறந்த பாதுகாப்பு கவசமாக இருக்கிறது. பச்சிளம் குழந்தைகளுக்கு தொற்றுகள் ஏற்படுவதிலிருந்து பாதுகாத்து அவர்களின் நோயெதிர்ப்பு சக்தியை மிகவும் வலுவாக வைப்பதில் தாய்ப்பால் முக்கிய பங்கு வகிக்கிறது.புதிதாக பிறந்த குழந்தையும் சரி, அதன் வளர்ச்சி கட்டத்திலும் சரி குழந்தை   ஆரோக்கியமாகவும், நல்ல வளர்ச்சியுடனும் வளர ஒரு தாயிடம் தாய்ப்பால் உற்பத்தி நிறைய இருக்க வேண்டும். ஒருவேளை தாய்ப்பால் அதிகம் சுரக்காத பட்சத்தில் Galactogogues எனப்படும் தாய்ப்பால் உற்பத்தியை அதிகரிக்கும் உணவுகளை மிதமான அளவில் தாய்மார்கள் முயற்சிக்கலாம்.உடல்நிலை காரணமாகவும், சத்தான உணவுகளை உட்கொள்ளாததாலும் சில பெண்களுக்கு தாய்ப்பால் சுரப்பதில் பாதிப்பு ஏற்படும். தாய்பால் சுரக்காத பெண்கள் வீட்டிலேயே எளிதான மருத்துவ முறைகளை கையாள்வதன் மூலம் குழந்தைகளுக்கு தேவையான அளவு தாய்பால் சுரக்கச் செய்யலாம்.


தாய் தினமும் பசும் பால் குடித்தால் தாய்ப்பால் பற்றாக்குறையே இருக்காது. அதிக புரதசத்துள்ள மிதமான மாவு சத்துள்ள உணவு வகைகளான அரிசி, பருப்பு வகைகள், தானியங்கள், மேலும் முளை கட்டிய தானியங்கள், உலர்ந்த பழங்கள், கொட்டைகள், பால் வகைப் பொருட்கள், சுறா மீன், மீன் முட்டைகரு(சிணை) முதலியவற்றை கண்டிப்பாக சேர்த்துக் கொள்ள வேண்டும்.


பால் கொடுக்கும் முன் தாய் ஓட்ஸ், பிரட்ஃரஸ்க் போன்ற உணவுகளை உட்கொண்டு விட்டு பால் கொடுக்க ஆரம்பித்தால் பால் அதிகமாக சுரக்கும். தாய்க்கும் போதிய சக்தி கிடைக்கும். குறைந்தபட்சம் தண்ணீர் மட்டுமாவது அருந்தி விட்டு தான் பால் கொடுக்க வேண்டும்.

காலையில் டிபன் சாப்பிட்ட பின் பாலில் ஓட்ஸ் போட்டு காய்ச்சி குடிக்கவும். அதே போல் இரவும் தூங்கும் முன் ஓட்ஸ் குடிக்கலாம். இவற்றைக் கண்டிப்பாக கர்ப்பகாலத்தின் 7வது மாதத்தில் இருந்து சேர்ப்பது மிகவும் நல்லது... அப்படி முடியவில்லையானாலும் பிரசவித்த பின்பாவது கண்டிப்பாக உண்ண வேண்டும் வைட்டமின்கள் தாதுப் பொருட்கள் அதிகமாக உள்ள கேரட், பீட்ருட், கோஸ், பச்சைக் காய்கறிகள், கீரை வகைகள் முதலியவற்றை தினமும் உணவுடன் சேர்த்துக் கொள்ள வேண்டும்.

மீன் வகைகளில் சுறா மீனை உட்கொண்டு வந்தாலும் தாய்ப்பால் அதிகம் சுரக்கும். சுறா மீனை புட்டாக அவித்து, அதனுடன் அதிக அளவில் பூண்டு சேர்த்து சாப்பிட வேண்டும்.


கீரை வகைகளில் பொன்னாங்கண்ணி கீரையில் அதிக புரதமும், மாவுச் சத்தும், வைட்டமின்களும் இருப்பதோடு பிரோகஸ்ட்ரான் ஈஸ்ட்ரோஜன் போன்ற ஹார்மோன்கள் உற்பத்தியை இது அதிகரிக்கச் செய்கிறது. இதனால் பால் நிறைய சுரக்கிறது.

முருங்கைக்காய் ஜூஸ் (​​Drumstick juice​): முருங்கைக்கு தாய்ப்பால் உற்பத்தியை தூண்டும் திறன் உள்ளது. கறிகள் அல்லது சூப்களில் இதனை சேர்க்கலாம். ஃபிரெஷ்ஷான முருங்கைக்காயை ஜூஸ் செய்து எடுத்து 1 மாதத்திற்கு தினசரி அரை கிளாஸ் குடிக்கலாம். தாய்ப்பால் உற்பத்தியை அதிகரிக்க நினைக்கும் பெண்கள் 1 மாதத்திற்கு ஒரு நாளைக்கு 2 முறை இதனை குடித்து வரலாம்.

சைவ உணவுகள் தான் பாலை அதிகளவில் சுரக்க செய்யும் என்பது குறிப்பிடத்தக்கது. அசைவ உணவுகளில் கல்லீரல், மண்ணீரல் சிறந்தது. இவைகளும் பாலை சுரக்க செய்யும். சுறா மற்றும் சிறிய மீன்களும் சாப்பிடலாம்.

சிறிய மீன்கள் அதிகம் சேர்த்துக்கொள்ளவும் மிளகு ஆணம் போல் செய்து சாப்பிடவும்.

உளுந்தை பொடி செய்து வைத்துக்கொண்டு பாலில் அதை சேர்த்து காய்ச்சியும் குடிக்கலாம். இதை காலை வேளையில் சாப்பிடலாம். இரவில் சாப்பிட வேண்டாம். வாதம் இருந்தால் சாப்பிடக்கூடாது.

ஓம வாட்டர் என்று கடையில் கிடைக்கும் அதை வாங்கி தண்ணீரில் ஊற்றி குடிக்கலாம்.ஓம வாட்டர் கிடைக்கவில்லை என்றால் வெறும் ஓமத்தைகூட 2 தேக்கரண்டி எடுத்து இரண்டு கைகளிலும் வைத்து கசக்கி உமியை போக்கிவிட்டு இரவு தண்ணீரில்( 1கிளாஸ்) போட்டு ஊறவைத்து காலையில் முழித்ததும் அந்த தண்ணீரைமட்டும் வடித்து எடுத்து குடிக்கவும்.


பேரீச்சம்பழம், திராட்சைப்பழம், வெல்லம், கேழ்வரகு, அவல், கோதுமை மாவு, சோயாபீன்ஸ், காய்ந்த சுண்டைக்காய், கொத்தமல்லி, சீரகம் போன்றவற்றையும் சேர்த்துக் கொள்ளலாம்.

அதிமதுரம் பொடியை சிறிதளவு சர்க்கரை கலந்து 2 முறை பாலுடன் குடித்து வந்தால் தாய்பால் பெருகும்.

அருகம்புல் சாறுடன் தேன் கலந்து சாப்பிட்டு வந்தால் தாய்ப்பால் பெருகும்.

முருங்கை கீரையை லேசாக தண்ணீர் விட்டு வேகவைத்து அதை தாளித்து சாப்பிட்டால் தாய்பால் அதிகரிக்கும். முருங்கை இலையும் பாசிபருப்பும் சேர்த்து சாப்பிட்டால் தாய் பால் அதிகம் சுரக்கும்.

வெந்தய நீர் (​​Fenugreek water): தாய்ப்பால் உற்பத்தியை அதிகரிக்க செய்வதற்கான மிக பிரபலமான மூலிகையாக வெந்தயம் இருக்கிறது. தாய்ப்பாலின் உற்பத்தியை அதிகரிக்க நினைக்கும் ஒருவர், ஆசியா மற்றும் மத்திய தரைக்கடல் பகுதியை தாயகமாக கொண்ட இந்த அற்புத மூலிகையான வெந்தயத்தை தேவையான அளவு எடுத்து முன்தினம் இரவு 1 கிளாஸ் தண்ணீரில் ஊறவைக்கலாம். பின்னர் காலையில் எழுந்ததும் அந்த வெந்தய தண்ணீரை வடிகட்டி குடிக்கலாம்.

ஆலம் விழுதின் துளிர், விதையை அரைத்து 5 கிராம் அளவு காலையில் மட்டும் பாலில் கலந்து குடித்து வர தாய்பால் பெருகும்.

பெருஞ்சீரக டீ (​​Fennel Tea): தாய்ப்பால் உற்பத்தி அதிகரிப்பதற்கான மற்றொரு பாரம்பரிய முறை பெருஞ்சீரகம் விதை அதாவது சோம்பு-வை பயன்படுத்துவது ஆகும். பொதுவாக பெருஞ்சீரகம் வயிற்றுப்போக்கு மற்றும் வாயுவிலிருந்து தங்களை பாதுகாத்து கொள்ள கர்ப்பிணிகளுக்கு வழங்கப்படுகின்றன. கர்ப்பிணிகள் பெருஞ்சீரக விதைகளை எடுத்து கொள்வது சிறந்த செரிமானத்திற்கு உதவுவதோடு, வயிற்று கோளாறுகளுக்கு நிவாரணம் அளிப்பதால் புதிதாக பிறந்த குழந்தை, தாய்ப்பாலின் மூலம் பெருஞ்சீரகத்தின் ஆரோக்கிய நன்மைகளை பெற கூடும். எனினும் இந்த விஷயங்களுக்கு எந்த ஆதாரமும் இல்லை என்றாலும், பல தாய்மார்கள் பெருஞ்சீரக விதைகள் தங்களுக்கு அல்லது தங்கள் குழந்தைக்கு பயனளித்ததாக நம்புகிறார்கள். எனவே பிரசவத்திற்கு பின் தாய்ப்பாலை அதிகரிக்க பல் புதிய தாய்மார்கள் பெருஞ்சீரக டீ போன்ற பாரம்பரிய பானங்களை எடுக்கிறார்கள்.

குழந்தை பெற்ற பெண்களுக்கு வெள்ளை பூண்டை நல்லெண்ணெயில் வதக்கி அதனுடன் கருப்பட்டியுடன் கலந்து சாப்பிட கொடுத்தால் தாய்பால் அதிகம் சுரக்கும். இது உடல் ஆரோக்கியத்திற்கும் நல்லது.

எள்ளு விதை லட்டு (​​Sesame seed laddu): பாலூட்டும் தாய்மார்களுக்கு கால்சியம் ஒரு அத்தியாவசிய மினரல் ஆகும். பால் இல்லாமல் கால்சியம் நிறைந்திருக்கும் உணவு பொருட்களில் ஒன்று எள் விதைகள். புதிய தாய்மார்களின் தனிப்பட்ட ஆரோக்கியம் மற்றும் அவர்கள் குழந்தையின் வளர்ச்சி இரண்டும் கால்சியத்தை நிறையவே சார்ந்துள்ளது. எனவே பாலூட்டும் தாய்மார்கள் தங்கள் டயட்டில் எள் சேர்த்து கொள்வது அவசியமாகிறது. கருப்பு எள்ளு, பேரீச்சம்பழம், தேங்காய் துருவல் மற்றும் தங்களுக்கு விருப்பமான நட்ஸ்களை சேர்த்து லட்டுகளை செய்து சாப்பிடலாம்.

மசூர் பருப்பு சூப் (Masoor dal soup): மசூர் பருப்பு ஒரு galactagogue அதாவது பால் உற்பத்தியை அதிகரிக்க உதவும் உணவாக இருக்கிறது. இந்த பருப்பை கொண்டு சூப் செய்தோ அல்லது பிற உணவுகளில் சேர்த்தோ சாப்பிடலாம். இளஞ்சிவப்பு நிறத்தில் இருக்கும் பருப்பை ஒரு பவுல் எடுத்து கொள்வது தாய்ப்பால் உற்பத்தியை அதிகரிக்க செய்யும். இதனை 1 ஸ்பூன் நெய் மற்றும் 1 சிட்டிகை மிளகு மற்றும் உப்பு சேர்த்து சாப்பிடலாம்.

உடலில் உள்ள தேவையற்ற கழிவுகளை வெளியேற்றவும் வெள்ளை பூண்டு உதவுகிறது. கருப்பட்டியில் உள்ள இரும்புச்சத்து தாய்ப்பால் வழியாக குழந்தைகளுக்கு போய் சேர்கிறது. மேலும் பசும் பாலில் பூண்டு சேர்த்து அரைத்து காய்ச்சி குடித்தால் பால் அதிகம் சுரக்கும்.

தொகுப்பு  : அ. தையுபா அஜ்மல் .

உலகின் முதல் இஸ்லாமிய பெண் செவிலி ருஃபைதா பின்த் ஸ'ஆத் ( Rufaida Al Aslamia) பற்றிய ஒரு சமூக பார்வை !!

 

உலகின் முதல் செவிலியர் மற்றும் ரஸூலுல்லாஹ் (ஸல்)  காலத்தில் வாழ்ந்த இஸ்லாத்தின் முதல் பெண் செவிலி ருஃபைதா பின்த் ஸ'ஆத் (ரலி) ....

நபிகள் நாயகம் முஹம்மது( ஸல் ) அவர்களின் காலத்தில் வாழ்ந்த ருஃபைதா, பனி அஸ்லாம் குலத்தை சேர்ந்தவர்கள்,போர்க்களத்தில் காயமடைந்த ஸஹாபாக்களுக்கு சிகிச்சையளிக்க நபிகள் நாயகத்திடம் அனுமதி பெற்று இயங்கியவர், மதினா பள்ளிவாசலுக்கு மிக அருகில் கூடாரங்கள் அமைத்து நோயாளிகளுக்கும்    தேவையுடையோருக்கும் உதவுமாறு அனுமதியளிக்கப்பட்டிருந்தார்.

ருஃபைதா அவர்கள் சவூதியின் மேற்கு பகுதியான ஹிஜாஸில் ஹிஜ்ரி 2ல் பிறந்ததாக (கிபி 620) தோராயமாக அறியப்படுகிறது.

தமது தந்தையான ஸ'ஆத் அல் அஸ்லாமி அவர்களிடம் மருத்துவம் பயின்ற ருஃபைதா முதல் முஸ்லிம் அறுவை சிகிச்சை மருத்துவராகவும் அறியப்படுகிறார்.

ருஃபைதா ஒரு செவிலி , ஒரு அறுவை சிகிச்சை நிபுணர் மாத்திரமல்லாது சிறந்த சமூக சேவகியாகவும், சமூகத்தில் சூழ்ந்திருந்த நோய்களுக்கு ஆலோசனை கூறுபவராகவும், அனாதை குழந்தைகளுக்கான ஆதரவு இல்லம் ஒன்றினை தொடங்கி ஆரதவற்றவர் பாதுகாவலராகவும் இருந்துள்ளார்.

தம்மை போல பல விருப்பமுடைய அன்சாரி பெண்களுக்கு செவிலிப்பணிக்கான பயிற்சிகள் அளித்து பட்டறை ஒன்றும் நடத்தி வந்தார் என்பது குறிப்பிடத்தக்கது.

ஒரு சிறந்த செவிலியாக ருஃபைதா அவர்கள் கடைபிடித்த ஒழுங்குமுறைகள் தான் பின்னாளில் மத்தியகால இஸ்லாமிய பேரரசுகள் நிர்மாணித்த மருத்துவமனைகளிலும் , பிறகு ஐரோப்பாவிலும் நர்ஸிங் என பரவியது.

நபிகள் நாயகம் (ஸல் ) அவர்களின் காலத்திலேயே அவர்களோடு வாழ்ந்த செவிலி ருஃபைதா தான் இஸ்லாமிய உலகின் முதல் செவிலியாக அறியப்படுகிறார்.

தொகுப்பு  : அ. தையுபா  அஜ்மல்.

காரைக்குடி,கோட்டையூரின் புத்தக பொக்கிஷ மனிதர் ரோஜா முத்தையா செட்டியார்!!

இன்று புத்தக தினத்தில் ரோஜா முத்தையா ஆராய்ச்சி நூலகம் மூலம் ஒரு லட்சம் புத்தகங்களை , பொக்கிஷம் போல போற்றிப் பாதுகாத்து வந்த ஒரு தனி மனிதரைப் பற்றி கேள்விப்பட்டிருக்கிறீர்களா?


அந்த அபூர்வ மனிதரின் பெயர் ரோஜா முத்தையா செட்டியார். அவர் சிவகங்கை மாவட்டம் , நான் பிறந்த என் ஊர் காரைக்குடி கோட்டையூரில் பிறந்து [ 1926-1992 ]வாழ்ந்தவர்.தன்னுடைய நடுத்தர வயதில் கிட்டத்தட்ட ஒரு லட்சம் புத்தகங்களை சேர்த்து விட்டாராம் செட்டியார்..!

தனி ஒரு மனிதனாக , எப்படி இவற்றையெல்லாம் பாதுகாப்பது ...?

இந்த புத்தகங்கள் அனைத்தையும் தஞ்சை பல்கலைக்கழகத்திற்கு கொடுத்து விடலாம்...அல்லது தமிழக அரசிடம் கொடுத்து விடலாம் என்று திட்டமிட்டார் செட்டியார்,அதற்கான முயற்சிகளை முழு மூச்சுடன் எடுத்தார்..!அடுத்த சில நாட்களில் , அதிகாரிகள் சிலர் வீடு தேடி வர, செட்டியாருக்கு அளவில்லா சந்தோஷம்.அப்பாடா என்று அரசு அதிகாரிகள் வந்து விட்டார்களே என ஆவலோடு வரவேற்றார், ஆனால் வந்தவர்கள் அமெரிக்காவில் உள்ள சிகாகோ பல்கலைகழகத்தைச் சேர்ந்தவர்கள்.

செட்டியார் பற்றி கேள்விப்பட்டு , தானாகவே முன் வந்த சிகாகோ பல்கலைகழகத்தினர் ,கோடிக்கணக்கில் பணத்தைக் கொட்டிக் கொடுத்து செட்டியாரிடம் உள்ள அத்தனை புத்தகங்களையும் அவர்களே எடுத்துக் கொள்ள தயாராக இருந்தார்கள்.

என் பொக்கிஷங்கள் இந்த தமிழ் நாட்டிற்கு மட்டுமே சொந்தம். ” என்று சொல்லி விட்டார்.என்றாவது ஒரு நாள் , தன் புத்தக பொக்கிஷங்களை தமிழக அரசு எடுத்துக் கொள்ளும் என்று தளராத நம்பிக்கையோடு சொல்லிக் கொண்டிருந்தாராம் முத்தையா செட்டியார் .

செட்டியார் , ஒரு புத்தகத்தை கையில் எடுக்கும்போது , அப்போதுதான் பிறந்த குழந்தையை எடுப்பதை விட , மென்மையாக எடுப்பாராம்... எந்த புத்தகத்தை யார் அவரிடம் கொடுத்தாலும் கோடி ரூபாய் பணத்தை கையில் வாங்குவது போல மகிழ்வோடு வாங்குவாராம்.

எல்லோரும் தாங்கள் உடுத்தியுள்ள வேட்டி அழுக்காகாமல்தான் பார்த்துக் கொள்வார்கள். ஆனால்....செட்டியார் தன் புத்தகத்தில் அழுக்கு இருந்தால்,

தான் உடுத்தியிருக்கும் பட்டு வேட்டியால் , புத்தகத்தில் இருக்கும் அழுக்கை மென்மையாகத் துடைப்பாராம்.

தான் வாழும் காலத்திலேயே , எல்லா புத்தகங்களையும் தமிழக அரசிடம் ஒப்படைத்து விட ஆசைப்பட்ட முத்தையா செட்டியார் எதிர்பாராமல் 4.6.1992 அன்று இறந்து போனார்.

அதன்பின் சிக்காகோ பல்கலைக்கழகம் மீண்டும் செட்டியாரின் குடும்பத்தை தொடர்பு கொண்டது...செட்டியாருடைய சேகரிப்புக்கள் அனைத்தையும் , நல்ல விலை கொடுத்து வாங்கிக் கொண்டது...

அந்த நூல்கள் அனைத்தையும் அமெரிக்கா கொண்டு செல்லாமல் , செட்டியார் ஆசைப்பட்டபடியே , சென்னையிலேயே ‘ரோஜா முத்தையா ஆராய்ச்சி நூலகம்’ என்ற பெயரில் 1994-ம் ஆண்டு தொடங்கி , இப்போதும் சிறப்பாக நடத்திக் கொண்டிருக்கிறார்கள்.

இது சென்னை தரமணியில் இன்றும் சிறப்பாக செயல்பட்டு வருகிறது.

புத்தகம் வாசிப்பது சுகானுபவம். அதை அனுபவித்தவர்கள், ஒரு போதும் மாற மாட்டார்கள். மனதுக்கும் மிக நெருக்கமாக உள்ள புத்தகங்களை வாசிக்கும் போது தான் சிந்தனை பிறக்கிறது. அது செயலாக மாறுகிறது. புத்தக வாசிப்பை வளப்படுத்துங்கள்புத்தகங்கள் வாசிப்பது ஒரு அருமையான பழக்கம். அது நம் அறிவை மேன்படுத்த உதவும். மேன்படுத்துவது மட்டும் இல்லாமல், ஒருவரை பல கோணங்களில் புத்தக வாசிப்பு சிந்திக்க வைக்கும். பல நேரங்களின் உங்களுக்கு புத்தக வாசிப்பு கைகொடுக்கும். 

எனக்கு அவ்வாறு தான் என் முதல் நேர்முகத்தேர்வுக்கு கைகொடுத்தது.
எல்லா கேள்விகளும் கேட்டு முடித்த பிறகு, நேர்முக தேர்வாளர் நீங்கள் சமீபத்தில் படித்த புத்தகத்தின் பெயரை கூறுங்கள் என்றார். நான் அப்போது படித்த புத்தகத்தின் பெயரை கூறினேன்(The Bad Beginning  - A Series of Unfortunate Events, #1 by Lemony Snicket) அதில் வரும் மூன்று தவறுகள் என்ன. அதில் இருந்து என்ன கற்றுக்கொண்டீர்கள் என்று கேட்டார்.

மூன்று தவறுகளைக் கூறி அதில் இருந்து கற்றுக்கொண்டதை கூறினேன். நேர்முக தேர்வாளரும் அந்த புத்தகத்தை படித்து இருப்பர் போல.அவருக்கு நான் கூறிய பதில் பிடித்து இருந்தது. ஒரு சிறு புன்னகையை வெளிப்படுத்தி மறைமுகமா நீங்கள் Selected என்று வார்த்தைகள் இல்லாமல் கூறினார். புத்தகம் படிப்பது எவ்வளவு நல்லது என்று நான் உணர்ந்த தருணம் அது.

ஒரு வேலை நான் புத்தகம் படிக்காதவனாக இருந்து இருந்தால் நேர்முக தேர்வாளருக்கும் எனக்குமான தொடர்பு அன்றே முடிந்து இருக்கும். இருவரும் புத்தக வாசிப்பாளர்கள் என்பதினால் நாங்கள் இன்று வரை தொடர்பில் உள்ளோம். நான் அலுவகத்திற்கு சேர்ந்த பிறகு அவரை தேடி கண்டுபிடித்து இன்றளவும் தொடர்பில் உள்ளேன். உண்மையில் சொல்லப்போனால் காதலர்கள் இடையே இருக்கும் உறவை விட அற்புதமான உறவு இரண்டு புத்தகம் வசிப்பவர்கள் இடையே இருக்கும்.

புத்தகம் வாசியுங்கள். புத்தகம் வசிக்கும் நபர்களிடம் பேசுங்கள். அது ஒரு தனி உணர்வு. வார்த்தைகளால் வர்ணிக்க முடியாத ஒரு உறவாக இருக்கும்.


இந்த புத்தக தினத்தில் புத்தகங்களை வாசிப்போம் என உறுதி எடுத்துக்கொண்டுஇன்றே தொடங்குங்கள்.

என்றும் என் வாழ்த்துக்களுடன்...

உங்கள் மு. அஜ்மல் கான்.

இஸ்லாத்தில் 5 கலிமா பற்றி அறிந்து, அவற்றை புரிந்து மற்றும் எளிதில் மனனம் செய்து கொள்ளுவோம் !!

1. கலிமா தய்யிப்

 

லா இலாஹ இல்லல்லாஹு முஹம்மதுர் ரசூலுல்லாஹி

பொருள்: முதல் கலிமா பரிசுத்தமானது

வணக்கத்திற்குரியவன் அல்லாஹூத்தஆலாவைத் தவிர வேறு இறைவன் இல்லை. முஹம்மது நபி (ஸல்) அவர்கள் அல்லாஹுத்தஆலாவின் திருத்தூதராக இருக்கிறார்கள்.

2. கலிமா ஷஹாதத்

அஷ்ஹது அல்லாஹ் இலாஹ இல்லல்லாஹு வஹ்த்ஹு லாஷரீக்க லஹு வஆஷ்ஹது அன்ன முஹம்மதன் அப்துஹு வரசூலுஹு.

பொருள்: இரண்டாம் கலிமா (உள்ளத்தால்) சாட்சி கூரல்

வணக்கத்திற்குரியவன் அல்லாஹுத்தஆலாவைத் தவிர வேறு எந்த இறைவனுமில்லை என்று (உள்ளத்தால் உறுதி கொண்டு) சாட்சிக் கூறுகிறேன். அவன் தனித்தவன் அவனுக்கு (யாரும்) இணை இல்லை. மேலும் முஹம்மது நபி (ஸல்) அவர்கள் அல்லாஹுத்தஆலாவின் அடியாராகவும், உண்மைத் திருத்தூதராகவும் இருக்கிறார்கள் என்றும் சாட்சிக் கூறுகிறேன்.

3. கலிமா தம்ஜீது

சுப்ஹானல்லாஹி வல்ஹம்துலில்லாஹி வலா இலாஹ இல்லல்லாஹு வல்லாஹு அக்பர் வலாஹௌல வலா குவ்வத்த இல்லா பில்லாஹில் அலிய்யில் அளீம்.

பொருள்: மூன்றாம் கலிமா தூய்மைப்படுத்துதல்

அல்லாஹ் பரிசுத்தமானவன். மேலும் எல்லாப் புகழும் அல்லாஹுத்தஆலாவிற்கே உரியன. வணக்கத்திற்குத் தகுதியானவன் அல்லாஹுத்தஆலாவைத் தவிர வேறு இறைவன் இல்லை. மேலும் அல்லாஹுத்தஆலா மிகப் பெரியவன், பாவத்தை விட்டும் தவிர்த்துக் கொள்ள சக்தியும், நற்காரியங்கள் புரிவதற்குரிய திறனும் அல்லாஹ்வின் உதவிக் கொண்டே ஒழிய இல்லை. அவன் மிக உயர்ந்தோனும் கண்ணிய மிக்கோனுமாக இருக்கிறான்.

4. கலிமா தவ்ஹீது

லா இலாஹ இல்லல்லாஹு வஹ்தஹு லாஷரீக் கலஹு லஹுல்முல்கு வலஹுல் ஹம்து யுஹ்யீ வயுமீத்து வஹுவ ஹய்யுல் லாயெமூத்து பியதிஹில் கைரு வஹுவ அலாகுல்லி ஷையின் கதீர்.

பொருள்: நான்காம் கலிமா ஒருமைப்படுத்துதல்

வணக்கத்திற்குரிய இறைவன் அல்லாஹுவைத் தவிர வேறு இல்லை. அவன் தனித்தவன். அவனுக்கு யாதொரு இணையும் இல்லை. எல்லா அரசாட்சிகளும் அவனுக்கே உரியன, புகழ் அனைத்தும் அவனுக்கே உரியன. அவனே படைப்பினங்களை உயிர்ப்பிக்கவும், மரணிக்கவும் செய்கிறான். அவன் என்றும் நிலைத்திருப்பவன். நலமனைத்தும் அவன் கைவசமே உள்ளன. அவன் எல்லாப் பொருள்களின் மீதும் சக்தி வாய்ந்தவன்.

5. கலிமா ரத்துல் குஃப்ர்

அல்லாஹும்ம இன்னி அஊதுபிக்க மின் அன்உஷ்ரிக்க பிக்க ஷைஅவ் வஅன அஃலமு பிஹி வஸ்தக்ஃபிருக்க லிமா லாஅஃலமு பிஹி துப்த்து அன்ஹு வதபர்ரத்து மினல்லகுஃப்ரி வஷிர்க்கி வல்மஆசி குல்லிஹா வஅஸ்லம்து வஆமன்து வஅகூலு லாஇலாஹ இல்லல்லாஹு முஹம்மதுர் ரசூலுல்லாஹி.

பொருள்: ஐந்தாம் கலிமா இறைமறுப்பை நீக்குதல்

யா அல்லாஹ் நான் அறிந்தவனாக இருக்கும் நிலையில் உன்னைக் கொண்டு எந்த வஸ்துவையும் (இணை வைப்பதை) விட்டும் உன்னிடம் பாதுகாப்பு கோருகிறேன். நான் அறியாமல் எக்குற்றம் என்னில் நிகழ்ந்ததோ, அதற்காக உன்னிடம் பாவமன்னிப்புத் தேடுகிறேன். அக்குற்றத்தை விட்டும் நான் தவ்பா செய்து (இனி ஒரு போதும் அதை செய்வதில்லை என்ற உறுதியுடன்) மீண்டேன்.

தொகுப்பு  : அ.தையுபா அஜ்மல். 

கூனைப்பூ ( Artichoke) வில் இவ்ளோ விஷயம் இருக்கா??? தெரியாம போச்சே!!

 நாம் சமீப காலமாக ஊடகங்களில் கூனைப்பூ பற்றிய செய்திகள் வருவதை கண்டிருப்போம்.  கூனைப்பூவில் சுகாதார நலன்கள் மற்றும் மருத்துவ பயன்பாடு அதிகமாக உள்ளன. நிறைய மக்கள் கூனைப்பூவின் இதய பகுதியைத்தான் அதிகமாக விரும்புகிறார்கள். கூனைப்பூவின் இலைகள் இதயத்திற்கு மிகவும் நன்மையை வழங்க கூடியதாக இருக்கிறது.இந்தக் கட்டுரையில், அறிவியல் ரீதியாக நிரூபிக்கப்பட்ட 10கூனைப்பூ நன்மைகள் மற்றும் கூனைப்பூ சத்துக்கள் பற்றி விவரமாக காணலாம்.

முன்னுரை  :'கூனைப்பூ' என்பது 'திஸ்டில் மற்றும் பால் திஸ்ட்டின்' குடும்பத்தைச் சேர்ந்த தாவரம் ஆகும். "லத்தீன் சினாரா" என்று அழைக்கப்படும் "கூனைப்பூ" கேனரித் தீவுகள் மற்றும் மத்திய தரைக்கடல் பகுதிகளில் அதிகம் காணக் கிடைக்கிறது.

இந்த வகைப் பூ அதிக அளவில் மருத்துவ குணங்கள் கொண்டது. அதிலும், கூனைப்பூவின் இலைகள் இதயத்திற்கு மிகவும் நன்மையை வழங்கக் கூடியதாக இருக்கிறது. மேலும், இந்தப் பூ உண்ணக் கூடிய காய் கறி வகையைச் சேர்ந்தது ஆகும். வளர்ச்சியின் செயல்பாட்டில், இது 2 மீ உயரம் வரை காணப்படும். கூனைப்பூ வெப்பத்தை விரும்பும் தாவரமாகும் என்ற போதிலும், இது சிறிய வெப்பநிலை சொட்டுகள் மற்றும் லேசான உறைபனிகளுடன் கூட உயிர்வாழக்கூடியதாக உள்ளது. இதன் கூம்புகளை உண்ணலாம். சுவையில் அவை பழுக்காத அக்ரூட் பருப்புகளுக்கு ஒத்தவை. கூனைப்பூவில் சுமார் 140 இனங்கள் உள்ளன, அவற்றில் 40 மட்டுமே மதிப்புமிக்கதாக கருதப்படுகின்றன. அதன் சாகுபடியின் வரலாறு சுமார் 5000 ஆண்டுகளுக்கு முந்தையது. அதன் சாகுபடியில் முதல் அனுபவம் ரோமானியர்களால் பெறப்பட்டது, அவர்களுக்குப் பிறகு கிரேக்கர்களும், எகிப்தியர்களும் இதனைப் பயன்படுத்தினர்.

கூனைப்பூ சத்துக்கள்:

குறிப்பிட்ட வகை கூனைப்பூக்கள் மற்றும் அவை எவ்வாறு சமைக்கப் படுகின்றன என்பதைப் பொறுத்து இந்த மதிப்புகள் மாறுபடும் என்பதை நினைவில் கொள்ள வேண்டும்

கூனைப்பூக்கள் சுவையானது மட்டுமல்ல, சமைக்கும் போது அத்தியாவசிய ஊட்டச்சத்துக்களுடன் நிரம்பியுள்ளது. 100 கிராம் சமைத்த கூனைப்பூக்களில் அடங்கியுள்ள ஊட்டச்சத்துக்கள் தோராயமாக கீழே கொடுக்கப்பட்டுள்ளது.

மக்ரோநியூட்ரியண்ட்ஸ்:

கலோரிகள்: 100 கிராம் சமைத்த கூனைப்பூவில் தோராயமாக 47 கலோரிகள் உள்ளது. ஒப்பீட்டளவில் இவை கலோரிகளில் சற்று குறைவாக உள்ளது.

கார்போஹைட்ரேட்டுகள்: இவை சிக்கலான கார்போஹைட்ரேட்டுகளின் சிறந்த மூலமாகும், 100 கிராமுக்கு சுமார் 11 கிராம் வழங்குகிறது.

புரதம்: கூனைப்பூக்கள் 100 கிராமுக்கு சுமார் 3.5 கிராம் புரதத்தைக் கொண்டிருக்கின்றன, அவை இந்த அத்தியாவசிய ஊட்டச்சத்துக்கான மிதமான ஆதாரமாக அமைகின்றன.

நார்ச்சத்து: கூனைப்பூக்கள் நார்ச் சத்தின் வளமான மூலமாகும். 100 கிராமுக்கு தோராயமாக 5 கிராம் நார்ச்சத்து நம்பமுடியாத அளவிற்கு நிறைந்துள்ளது.

வைட்டமின்கள் :

வைட்டமின் சி: சமைத்த கூனைப்பூக்கள் வைட்டமின் சி இன் சிறந்த மூலமாகும், 100 கிராம் கூனைப்பூவில் சுமார் 9.6 மில்லிகிராம்கள் உள்ளன. நோயெதிர்ப்பு அமைப்பு ஆதரவு மற்றும் கொலாஜன் உற்பத்திக்கு வைட்டமின் சி முக்கியமானது.

வைட்டமின் கே: கூனைப்பூக்கள் வைட்டமின் கே இன் சிறந்த மூலமாகும், 100 கிராம் கூனைப்பூவில் 14.8 மைக்ரோகிராம் வைட்டமின் கே உள்ளது.

வைட்டமின் பி6: 100 கிராம் சமைத்த கூனைப்பூவில் 0.2 மில்லிகிராம் வைட்டமின் பி6 காணப்படுகிறது.

தாதுச்சத்துக்கள்:

பொட்டாசியம்:கூனைப்பூக்களில் பொட்டாசியம் நிறைந்துள்ளது, 100 கிராமுக்கு சுமார் 370 மில்லிகிராம்கள் உள்ளன.

மக்னீசியம்:கூனைப் பூ 100 கிராமில் 60 மில்லிகிராம் மெக்னீசியம் உள்ளது. மக்னீசியம் தசை மற்றும் நரம்புகளின் செயல்பாட்டிற்கும், எலும்பு ஆரோக்கியத்திற்கும் முக்கியமானது.

பாஸ்பரஸ்:கூனைப்பூக்கள் 100 கிராமுக்கு தோராயமாக 75 மில்லிகிராம் பாஸ்பரஸை வழங்குகிறது, இது எலும்பு மற்றும் பற்களின் ஆரோக்கியத்தை ஆதரிக்கிறது.

இரும்பு:மிக அதிகமாக இல்லாவிட்டாலும், கூனைப்பூக்கள் 100 கிராமுக்கு 0.6 மில்லிகிராம் இரும்புச்சத்தை வழங்குகின்றன, இது உங்கள் தினசரி இரும்பு உட்கொள்ளலுக்கு பங்களிக்கும்.

ஆக்ஸிஜனேற்றிகள்:

ஃபிளாவனாய்டுகள்:கூனைப்பூக்களில் குர்செடின் மற்றும் ருட்டின் உள்ளிட்ட ஃபிளாவனாய்டுகள் நிறைந்துள்ளன, அவை ஆக்ஸிஜனேற்ற பண்புகளைக் கொண்டுள்ளன. இந்த கலவைகள் ஆக்ஸிஜனேற்ற சேதத்திலிருந்து செல்களைப் பாதுகாக்க உதவுகின்றன.
மற்ற ஊட்டச்சத்துக்கள்:

ஃபோலேட்: சமைத்த கூனைப்பூக்களில் 100 கிராமுக்கு 68 மைக்ரோகிராம் ஃபோலேட் உள்ளது. ஃபோலேட் உயிரணுப் பிரிவு மற்றும் டிஎன்ஏ உருவாவதற்கு முக்கியமானது.

கூனைப்பூ நன்மைகள் :

கூனைப்பூக்கள் 2,000 ஆண்டுகளுக்கும் முன்பிருந்தே பண்டைய கிரேக்கர்கள் மற்றும் ரோமானியர்களால் அவற்றின் சமையல் மற்றும் மருத்துவ குணங்களுக்காக பயிரிடப்படுகிறது. சில கூனைப்பூ நன்மைகள் பின்வருமாறு...

ஆன்டி ஆக்ஸிடன்ட்கள் நிறைந்தவை:கூனைப்பூவில் குர்செடின் மற்றும் ருடின் போன்ற ஆக்ஸிஜனேற்றிகள் நிறைந்துள்ளன. இது ஆக்ஸிஜனேற்ற அழுத்தத்தைக் குறைத்து தீங்கு விளைவிக்கும் பிரீ ரேடிக்கல்களை எதிர்த்துப் போராட உதவுகிறது மேலும் நாள்பட்ட நோய்களின் அபாயத்தைக் குறைக்கிறது.

செரிமான ஆரோக்கியம்:அவை கூனைப் பூவில் கனிசமான அளவு நார்ச்சத்து நிறைந்துள்ளது. இது செரிமானத்தை மேம்படுத்தி மலச்சிக்கலைத் தடுக்கிறது. கூனைப்பூ இலை சாறு எரிச்சல் கொண்ட குடல் நோய்க்குறியின் (IBS) அறிகுறிகளைக் குறைக்கிறது.

கல்லீரல் ஆரோக்கியம்:

கூனைப்பூவில் சினரின் மற்றும் சிலிமரின் போன்ற கலவைகள் உள்ளன. அவை கல்லீரல் செயல்பாட்டை மேம்படுத்தி சேதத்திலிருந்து பாதுகாக்க உதவுகிறது.

இதய ஆரோக்கியம்:

கூனைப்பூ உணவில் சேர்த்துக் கொள்வது “கெட்ட” எல்டிஎல் கொழுப்பின் அளவைக் குறைக்க உதவுகிறது. மேலும் நார்ச்சத்து மற்றும் பொட்டாசியம் இரத்த அழுத்தத்தைக் குறைத்து, இதய ஆரோக்கியத்தை ஊக்குவிக்கிறது.
எடை மேலாண்மை:

இந்த காய்கறியில் உள்ள ஃபைபர் வயிறு நிரம்பிய உணர்வை ஊக்குவிக்கிறது. எனவே அதிக உணவு உண்ணப்படுவதைக் குறைத்து எடை இழப்பில் உதவுகிறது.

நீரிழிவு மேலாண்மை: கூனைப்பூக்கள் குறைந்த கிளைசெமிக் குறியீட்டைக் கொண்டுள்ளன. மேலும் அவை இரத்த சர்க்கரை அளவைக் கட்டுப்படுத்த உதவுகின்றன. எனவே இது நீரிழிவு நோயாளிகளுக்கு ஏற்ற காய்காறியாகும்.

புற்றுநோய் தடுப்பு:கூனைப்பூக்களில் உள்ள சில கலவைகள் புற்றுநோய் எதிர்ப்பு பண்புகளைக் கொண்டுள்ளதாக நிரூபிக்கப் பட்டுள்ளது. கூனைப்பூ புற்றுநோயை தடுக்க வல்லது. புற்று நோய் செல்களின் வளர்ச்சியைத் தடுத்து உடல் ஆரோக்கியத்தை மேம்படுத்துகிறது. இது எப்படி எனில், கூனைப்பூ (ஆர்டிசோக்) இலையின் சாறுகள் அப்போப்டொசிஸை தூண்டி புற்றுநோய் செல்களை அளிக்கிறது. கூனைப்பூவில் அதிகமாக பிளவோனோய்ட்ஸ் நிறைந்துள்ளதால் மார்பகப் புற்றுநோய் ஆபத்தை குறைக்கிறது. மேலும் புரோஸ்டேட் புற்றுநோய், லுகேமியா போன்றவை ஏற்படுவதையும் தடுக்கிறது. கூனைப்பூ நோய் எதிர்ப்பு சக்தியை நல்ல முறையில் மேம்படுத்துகிறது: கூனைப்பூவில் ரூடின், ஆன்தோ சயனின்ஸ், சினாரின் லுடேலின் மற்றும் சிலிமரின் போன்ற நோயெதிர்ப்பு சக்திகள் உள்ளன. இதனால் உடலின் ஆரோக்கியம் மேம்படுகிறது.

எலும்பு ஆரோக்கியம்: வைட்டமின் கே மற்றும் கால்சியம் நிறைந்த கூனைப்பூக்கள் வலுவான எலும்புகளுக்கு பங்களிக்கின்றன மற்றும் ஆஸ்டியோபோரோசிஸ் நோய் அபாயத்தைக் குறைப்பதில் உதவுகிறது.


தோல் ஆரோக்கியம்: கூனைப்பூவில் நிரம்பியுள்ள ஆன்டிஆக்ஸிடன்ட்கள் வயதான அறிகுறிகளைக் குறைத்து, பொலிவான நிறத்தை மேம்படுத்துவதன் மூலம் சரும ஆரோக்கியத்தை பராமரிக்க உதவுகிறது.

நோயெதிர்ப்பு அமைப்பு ஆதரவு: கூனை பூவில் வைட்டமின் சி மற்றும் ஃபோலேட் போன்ற அத்தியாவசிய வைட்டமின்கள் மற்றும் தாதுக்கள் உள்ளன இது நோயெதிர்ப்பு மண்டலத்தின் செயல்பாட்டை ஊக்குவிக்கிறது.

முடிவுரை: கூனைப்பூக்கள் ஒரு சுவையான சுவையாக மட்டுமல்ல, அறிவியல் ஆராய்ச்சிகளால் நிரூபிக்கப் பட்ட பல ஆரோக்கிய நன்மைகளின் சக்திவாய்ந்த ஆதாரமாகும். அவை பல நன்மைகளை வழங்கினாலும், அவற்றை அதிகமாக உட்கொள்வதால் சில பக்க விளைவுகளும் ஏற்படும் என்பது குறித்து எச்சரிக்கையாக இருப்பது அவசியம்.

தொகுப்பு  : மு.அஜ்மல் கான்.