நீட் தேர்வுக்கு விண்ணப்பிக்க ஜனவரி 6ம் தேதி வரை காலஅவகாசம் நீட்டிப்பு !!

 எம்பிபிஎஸ், பிடிஎஸ் உள்ளிட்ட பல்வேறு இளநிலை மருத்துவ படிப்புகளுக்கு 2020-2021ம் ஆணடில் சேர விரும்பும் மாணவர்கள் வரும் மே 3ம் தேதி நடைபெற உள்ள நீட் தேர்வை எழுதி தேர்ச்சி பெற வேண்டும். இந்த தேர்வுக்கு விண்ணப்பிக்க வரும் ஜனவரி 6ம் தேதி வரை காலஅவகாசம் நீட்டிக்கப்பட்டுள்ளது.

 

எம்பிபிஎஸ், பிடிஎஸ் உள்ளிட்ட மருத்துவப்படிப்புகளில் சேருவதற்கான நீட் நுழைவுத்தேர்வு (NEET UG 2020) இந்த  ஆண்டு மே 3 ஆம் தேதி நடைபெறுகிறது. பிளஸ் டூ முடித்த மாணவர்கள், மருத்துவப்படிப்பில் சேருவதற்கு இந்த நீட் தேர்வில் தேர்ச்சிப் பெற்றிருக்க வேண்டும். இந்த நிலையில், அடுத்த ஆண்டு நீட் தேர்வுக்கான விண்ணப்பப்பதிவு இன்று மாலை (டிச. 2) தொடங்கியுள்ளது. மாணவர்கள் www.ntaneet.nic.in என்ற இணையதளம் வாயிலாக நீட் தேர்வுக்கு விண்ணப்பிக்கலாம்.

வயது வரம்பு: நீட் 2020 தேர்வுக்கு விண்ணப்பிக்கும் மாணவர்கள், 31.12.2003 க்குள் பிறந்தவராக இருக்க வேண்டும். அதாவது 25 வயதுக்கு உட்பட்டவராக இருக்க வேண்டும். ஆன்லைன் மூலமாக மட்டுமே நீட் தேர்வு விண்ணப்பபதிவு நடைபெறுகிறது. அஞ்சல் வழி விண்ணப்பங்கள் ஏற்கப்படமாட்டாது. விண்ணப்பிப்பதற்கான கடைசி நாள், டிசம்பர் 31 ஆம் தேதியாகும். நீட் தேர்வு எழுத விரும்பும் மாணவர்கள், கடைசி தேதி வரையில் காத்திருக்காமல், உடனே விண்ணப்பிக்கும்படி அறிவுறுத்தப்படுகிறார்கள்.

நீட் 2020 விண்ணப்பக்கட்டணம்:
பொதுப்பிரிவினர்: 1,500 ரூபாய்
General-EWS / OBC(NCL): 1400 ரூபாய்
SC/ST/PwD/Transgender: 800 ரூபாய்

முக்கிய நாட்கள்:
நீட்தேர்வுக்கான விண்ணப்பப்பதிவு தொடங்கும் நாள்: 2 டிசம்பர் 2019
விண்ணப்பிப்பதற்கான கடைசி நாள்: 31 டிசம்பர் 2019
நீட் தேர்வு நடைபெறும் நாள்: 3 மே 2020
தேர்வு முடிவுகள் வெளியாகும் நாள்: 4 ஜூன் 2020
விடைக்குறிப்புகள் வெளியாகும் நாள்: இணையளத்தைப் பார்க்கவும்

இது பற்றி முழுமையான விபரங்களுக்கு தேசிய தேர்வு முகமை வெளியிட்டுள்ள அதிகாரப்பூர்வ அறிவிப்பைப் பார்க்கவும்:
https://ntaneet.nic.in/ntaneet/welcome.aspx

இந்த ஆண்டிற்கான நீட் தேர்வு விண்ணப்பப்பதிவு தொடங்கியுள்ளது. ஆன்லைனில் நீட் 2020 தேர்வுக்கு எப்படி விண்ணப்பிக்க வேண்டும் என்பது பற்றிய வழிமுறைகளை இங்கு காணலாம்.

NEET UG 2020

எம்பிபிஎஸ், பிடிஎஸ் உள்ளிட்ட மருத்துவப்படிப்புகளில் சேருவதற்கான நீட் நுழைவுத்தேர்வு (NEET UG 2020) அடுத்த ஆண்டு மே 3 ஆம் தேதி நடைபெறுகிறது. பிளஸ் டூ முடித்த மாணவர்கள், மருத்துவப்படிப்பில் சேருவதற்கு இந்த நீட் தேர்வில் தேர்ச்சிப் பெற்றிருக்க வேண்டும். இந்த நிலையில், அடுத்த ஆண்டு நீட் தேர்வுக்கான விண்ணப்பப்பதிவு நவம்பர் 2 ஆம் தேதி தொடங்கியுள்ளது. நீட் 2020 தேர்வுக்கு ஆன்லைன் வழியாக மட்டுமே விண்ணப்பிக்க முடியும். அஞ்சல் வழி விண்ணப்பங்கள் ஏற்றுக்கொள்ளப்படாது. நீட் தேர்வுக்கு விண்ணப்பிக்க வேண்டிய அதிகாரப்பூர்வ இணையதளம் https://www.ntaneet.nic.in/ ஆகும். எனவே, மாணவர்கள் முதலில் இந்த இணையளத்துக்குச் செல்ல வேண்டும்.

NEET 2020 Registration

தேசிய தேர்வு முகமையின் முகப்புப் பக்கத்தில் (Home Page) நீட் தேர்வு பற்றிய முன்னுரை கொடுக்கப்பட்டிருக்கும். நீட் தேர்வு, தேசிய தேர்வு முகமை பற்றி தெரியாதவர்கள், முன்னுரையை ஒரு முறை வாசித்துக் கொள்ளலாம். இப்போது. நீட் 2020 தேர்வுக்கு விண்ணப்பிக்க, https://www.ntaneet.nic.in/ இணையதளத்தின் முகப்புப் பக்கத்தின் அடியில், 'Fill Applicaion Form' என்று இருக்கும் அதனை க்ளிக் செய்ய வேண்டும்.

NEET 2020 Instructions

இப்போது புதிதாக நீட் தேர்வுக்கான வழிமுறை, விண்ணப்பிக்கும் முறை, நிபந்தனைகள் கொடுக்கப்பட்டிருக்கும். அதில் முக்கியமானது, நீட் 2020 தேர்வுக்கு விண்ணப்பிக்கும் மாணவர்கள், 31.12.2003 க்குள் பிறந்தவராக இருக்க வேண்டும். அதாவது 25 வயதுக்கு உட்பட்டவராக இருக்க வேண்டும். ஆன்லைன் மூலமாக மட்டுமே நீட் தேர்வு விண்ணப்பப் பதிவு நடைபெறுகிறது. அஞ்சல் வழி விண்ணப்பங்கள் ஏற்கப்படமாட்டாது. விண்ணப்பிப்பதற்கான கடைசி நாள், டிசம்பர் 31 ஆம் தேதியாகும். நீட் தேர்வு எழுத விரும்பும் மாணவர்கள், கடைசி தேதி வரையில் காத்திருக்காமல், உடனே விண்ணப்பிக்கும்படி அறிவுறுத்தப்படுகிறார்கள்.

Apply Online NEET 2020

அனைத்து வழிமுறைகளையும் வாசித்தப் பிறகு, கீழ் நோக்கி சென்றால், 'I have read and understood all the instructions mentioned above and in the information bulletin' என்பதை டிக் செய்ய வேண்டும். பின்பு, 'Proceed To Apply Online NEET (UG) 2020' என்பதை தேர்வு செய்ய வேண்டும்.

Neet 2020 New Registration

இப்போது நீட் 2020 ஆன்லைன் விண்ணப்பம் திரையில் காட்டப்படும். மாணவரின் பெயர், தாய் பெயர், தந்தை பெயர், வகுப்பு, மாற்றுத்திறனாளி விபரங்கள், பிறந்த தேதி, பாலினம் என ஒவ்வொன்றையும் கவனமாக பூர்த்தி செய்ய வேண்டும். மாணவரின் விபரங்கள், அவர்களது கல்விச்சான்றிதழ்களில் எவ்வாறு உள்ளதோ அதன்படி இருக்க வேண்டும். மாற்றுத்திறனாளி என்றால், அதற்குரிய விபரங்களை பதிவு செய்தல் அவசியம்.

NEET 2020 Registration

தொடர்ந்து, தேசியம், மாநிலம், மாணவரின் அடையாள அட்டை விபரங்கள், மொபைல் நம்பர், இமெயில் ஐடி, மற்ற மொபைல் நம்பர், மற்ற இமெயில் ஐடி ஆகியவை பதிவு செய்ய வேண்டும். இமெயில் இல்லையென்றால், புதிதாக ஒரு இமெயில் ரெடி செய்து கொள்ள வேண்டும். இமெயில் முகவரியும், மொபைல் நம்பரும் மிகமிக முக்கியமானது. நீட் தேர்வுக்கு விண்ணப்பித்தப் பிறகு, நிர்வாகம் தரப்பில் தெரிவிக்கப்படும் அனைத்துத் தகவல்களும் இமெயில், மொபைல் நம்பர் மூலமாகவே தெரிவிக்கப்படும்.

நீட் விண்ணப்பப் பதிவு

நீட் 2020 தேர்வுக்கு மாணவரின் சுயவிபரங்கள் அனைத்தையும் பதிவு செய்த பிறகு, 'Preview & Next' என்பதை தேர்வு செய்ய வேண்டும். இப்போது நீங்கள் பதிவு செய்த விபரங்கள் அனைத்தும் முழுமையாக, மேற்கண்டவாறு திரையில் காட்டப்படும். அவற்றை மீண்டும் ஒரு முறை பொறுமையாக கவனமாக வாசித்துக் கொள்ளவும். கொடுக்கப்பட்டுள்ள அனைத்துத் தகவல்களும் சரியாக உள்ளனவா என்பதை உறுதி செய்து கொள்ளவும்.

NEET Application Number, Password

அடுத்தக்கட்டமாக, உங்களுடைய நீட் பதிவிற்கு கடவுச்சொல் (Password) உருவாக்க வேண்டும். பாஸ்வேர்டு கட்டத்துக்கு அடுத்ததாக, பாதுகாப்பு கேள்விகள் இருக்கும். அதனை தேர்வு செய்து, நீங்கள் நன்கு அறிந்த கேள்விக்கு பதில் அளிக்க வேண்டும். இதுவும் உங்கள் நீட் பதிவிற்கு கடவுச்சொல்லாக பயன்படும். பின்பு, 'OTP Verfication' என்பதை க்ளிக் செய்ய வேண்டும். இப்போது உங்கள் மொபைல் எண்ணிற்கு OTP வரும். அதை அப்படியே டைப் செய்து 'Submit' கொடுக்க வேண்டும். இப்போது உங்களுடைய நீட் 2020 விண்ணப்பப்பதிவு தயார். உங்கள் விண்ணப்ப எண் திரையில் காட்டப்படும். இதனை குறித்து வைத்துக் கொள்ள வேண்டும்.

NEET 2020 Application First Stage Completed

நீட் தேர்வுக்கு ஆன்லைன் விண்ணப்பதிவில் மொத்தம் நான்கு நிலைகள் உள்ளது. விண்ணப்பப் பதிவு, சான்றிதழ் பதிவேற்றம், சான்றிதழ் பதிவேற்றத்தை பரிசோதித்தல், விண்ணப்பக் கட்டணம் செலுத்துததல், விண்ணப்பப் பதிவு நிறைவு செய்தல். இவற்றில் நீங்கள் இப்போது முதல் நிலையான விண்ணப்பப் பதிவு செய்துள்ளீர்கள். இதன் சுருக்கமான விபரங்கள் திரையில் காட்டப்படும்.

6.jpg

விண்ணப்பப் பதிவின் ஒரு அங்கமாக, எந்த மொழியில் நீட் தேர்வு வேண்டும் என்று கேட்கப்படும். மாணவர்கள் இதில் உங்களுக்கு விருப்பமான மொழியை தேர்வு செய்து கொள்ளலாம். தமிழ் மொழியை தேர்வு செய்தால், நீட் தேர்வுகள் தமிழில் இருக்கும். கேள்விகள் தமிழ் மொழியில் கேட்கப்பட்டிருக்கும். ஆங்கிலம் தேர்வு செய்தால், கேள்வித்தாள் ஆங்கிலத்தில் இருக்கும். கேள்விகள் அனைத்தும் ஆங்கிலத்தில் கேட்கப்படும்.

இதே போல், எந்த நகரத்தில் தேர்வு மையம் வேண்டும் என்று கேட்கப்படும். மாணவர்கள் தங்களுக்கு அருகாமையில் உள்ள நகரங்களை அடுத்தடுத்து தேர்வு செய்து கொள்ளலாம். மாணவர்கள் அளிக்கும் பரிந்துரையின் அடிப்படையிலேயே, தேர்வு மையங்கள் ஒதுக்கப்படும்.

கல்வி விபரங்கள்

அடுத்ததாக மாணவர்கள் தங்களுடைய கல்வி விபரங்களை அளிக்க வேண்டும். 10, 11, 12 ஆகிய வகுப்புகள் படித்த விபரங்கள் தனித்தனியே கேட்கப்படும். அவற்றை ஒவ்வொன்றாக கவனமாக பூர்த்தி செய்ய வேண்டும். நீங்கள் எந்த பள்ளியில் படித்தீர்கள், எந்த ஆண்டு தேர்ச்சி பெற்றீர்கள், பள்ளியின் இருப்பிடம், அந்த வகுப்பில் பெற்ற மதிப்பெண்கள், தேர்வு எண் என அனைத்துத் தகவல்களும் அளிக்க வேண்டும்

Save as Draft

அனைத்து கல்வி விபரங்களையும் அளித்தப்பிறகு, 'Save as Draft' என்பதை க்ளிக் செய்து, தகவல்களை சேமித்து வைத்துக் கொள்ளலாம். நேரடியாக 'Next' என்பதை க்ளிக் செய்து அடுத்தக்கட்ட பதிவிற்கும் செல்லாம். ஆனால், சில நேரங்களில் இணையத்தின் வேகம் குறைவாக இருக்கும். அப்போது எந்த நேரத்தில் வேண்டுமானாலும், நீங்கள் பதிவு செய்யும் விபரங்கள் அழிந்து விடும். எனவே, 'Save as Draf' க்ளிக் செய்து, தகவல்களை சேமித்து வைத்துக் கொள்வது நலம். நீங்கள் ஒரு முறை சேமித்து கொண்டால், எப்போது வேண்டுமானாலும் அப்ளிக்கேஷன் நம்பர், பாஸ்வேர்டு கொடுத்து, விண்ணப்பப் பதிவை தொடரலாம்

NEET Dress Code

இருப்பிட முகவரி பதிவு: உங்களுடைய நிரந்தர இருப்பிட முகவரியை பதிவு செய்ய வேண்டும். வீட்டு எண், தெரு, நகர், கிராமம், பின்கோடு, மாநிலம், மாவட்டம், இமெயில் முகவரி, டெலிபோன் நம்பர் என அனைத்தையும் பூர்த்தி செய்ய வேண்டும். இதே போல், இப்போது நீங்கள் எங்கு தங்கி உள்ளீர்கள், அலுவல் சார்ந்து உங்களை தொடர்பு கொள்ள வேண்டுமென்றால், எந்த முகவரிக்கு தொடர்பு கொள்ள வேண்டும் என்பதையும் பதிவு செய்ய வேண்டும். Permanent Address, Correspondence Address இரண்டும் ஒன்றாக இருக்கலாம்.

பின்பு, பெற்றோர்/ பாதுகாவலரின் விபரங்களை பதிவு செய்ய வேண்டும். பெற்றோரின் கல்வித்தகுதி, வேலை, வருடாந்திர ஊதியம் ஆகியவை தனித்தனியே நிரப்ப வேண்டும்.

நீட் தேர்வின் போது ஆடை விதிமுறைகள் தொடர்பான விபரங்கள் தெரியுமா என்று கேட்கப்படும். அதனை டிக் செய்து கொள்ள வேண்டும். இறுதியாக பாதுகாப்பு குறியீடு கொடுத்து விண்ணப்பப் பதிவு செய்து கொள்ள வேண்டும்.

NEET 2020 Correction

இப்போது நீங்கள் அளித்துள்ள விபரங்கள் அனைத்தையும் சுருக்கமாக திரையில் காட்டப்படும். அவற்றை மீண்டும் ஒரு முறை கவனமாக வாசித்து, சரியாக உள்ளதா என்பதை உறுதி செய்யவும். ஒரு வேளை ஏதாவது பிழை இருந்தால், 'Back' என்பதை க்ளிக் செய்து மாற்றிக் கொள்ளவும். அனைத்தும் சரியாக இருந்தால், பழையபடி OTP கொடுத்து, விண்ணப்பப் பதிவை பூர்த்தி செய்ய வேண்டும்.

NEET Non Editable Details

விண்ணப்பக் கட்டணம் செலுத்திய பிறகு, நீங்கள் அளித்த விபரங்களில் சிலவற்றை திருத்த முடியாது. அவை, உங்களுடைய நீட் தேர்வு விருப்ப மொழி, தேர்வு மையங்கள், உங்களுடைய ஒப்புதல். இவை அனைத்தும் ஒரு முறை பதிவு செய்தால், அதன்பிறகு மாற்ற முடியாது. உதாரணத்திற்கு உங்களுக்கு தமிழ் மொழியில் நீட் தேர்வு வேண்டும். ஆனால், ஒரு குழப்பத்தில் ஆங்கில மொழியை தேர்வு செய்து விட்டீர்கள் என்றால், அதனை மாற்ற முடியாது. எனவே, அனைத்தையும் ஒரு முறை சரிபார்த்துக் கொண்டு இறுதி முடிவை எடுக்கவும்.

Upload Documents

அடுத்தக்கட்டமாக மாணவர்களின் புகைப்படம், கையெழுத்து, சான்றிதழ் பதிவேற்றும் பகுதி. இதற்காக மாணவர்கள் அண்மையில் எடுக்கப்பட்ட புகைப்படம், கையெழுத்து, 10 ஆம் வகுப்பு சான்றிதழ், இடது கை பெருவிரல் ரேகை, அஞ்சல் தலை அளவு புகைப்படம் ஆகியவற்றை ஸ்கேன் செய்து வைத்துக் கொள்ள வேண்டும். ஒரு வேளை இவை தயாராக இல்லாத பட்சத்தில், 'Upload Later' என்பதை கொடுத்து பிறகு பதிவேற்றம் செய்து கொள்ளலாம்.

NEET Photo, Signature, Thump

புகைப்படம், கையெழுத்து, சான்றிதழ், விரல் ரேகை ஆகியவை பதிவேற்றம் செய்த பிறகு, அவை அனைத்தும் திரையில் காட்டப்படும். மாணவர்கள், அவை அனைத்தும் சரியாக உள்ளதா என்பதை உறுதி செய்து கொள்ளவும். இந்த தகவல்கள் தான், மருத்துவக்கல்லூரியில் சேரும் வரையில் அடிக்கடி பரிசோதிக்கப்படும். எனவே, விழிப்புணர்வுடன் சரியான புகைப்படம், கையெழுத்து, விரல் ரேகை விபரங்களை பதிவு செய்ய வேண்டும். அனைத்தும் சரியாக இருக்கும் பட்சத்தில், Next கொடுத்து அடுத்த பகுதிக்குச் செல்லலாம்

NEET 2020 Application Fee

விண்ணப்பக் கட்டணம்: நீட் தேர்வு 2020 மூன்றாவது பகுதி விண்ணப்பக்கட்டணம் செலுத்துதல் ஆகும். விண்ணப்பக்கட்டணம் ஆன்லைனில் மட்டுமே செலுத்த முடியும். விண்ணப்பக்கட்டணம் செலுத்துவதற்கான கடைசி நாள் ஜனவரி 1 ஆம் தேதியாகும். மாணவர்கள் கடைசி நாள் வரையில் காத்திருக்காமல், விண்ணப்பப் பதிவு முடிந்ததும், உடனே விண்ணப்பக் கட்டணம் செலுத்துமாறு அறிவுறுத்தப்படுகிறார்கள்.

NEET 2020 Final Review

விண்ணப்பக் கட்டணம் செலுத்துவதற்கு முன்பு, இறுதி வடிவமாக உங்களுடைய விண்ணப்பம் முழுவதும் திரையில் காட்டப்படும். இதுவே இறுதி வாய்ப்பாகவும். ஏற்கனவே, கூறியபடி, விண்ணப்பக்கட்டணம் செலுத்திய பிறகு, தேர்வு மொழி, தேர்வு மையம் ஆகியவை மாற்ற முடியாது. மாணவர்கள் அதனை நினைவில் கொண்டு, அதற்கு ஏற்ப விண்ணப்பப்பதிவை சரிபார்த்துக் கொள்ளவும்.

NEET 2020 Fee Payment

வங்கி விபரங்கள்: ஆன்லைனில் விண்ணப்பக் கட்டணம் செலுத்தும் பகுதியில் வங்கி விபரங்களும், வரி விபரங்களும் கொடுக்கப்பட்டிருக்கும். மாணவர்கள், பெற்றோர்கள் தங்கள் வசதிக்கு உரிய வங்கியை தேர்வு செய்து, விண்ணப்பக் கட்டணத்தை ஆன்லைனில் செலுத்தலாம். ஆன்லைனில் செலுத்த முடியாதவர்கள், வங்கி செலானை பிரிண்ட் அவுட் எடுத்து, நேரடியாக வங்கிக்கு சென்று விண்ணப்பக் கட்டணத்தை செலுத்தலாம்

NEET Payment Details

Payment Confirmation

Confirmation Page NEET (UG) 2020